သီပေါ ၊ မေ ၆
ရှမ်းပြည်နယ် (မြောက်ပိုင်း)၊ ကျောက်မဲခရိုင်၊ သီပေါမြို့နယ် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန မြို့နယ်ဦးစီးမှူးရုံးမှ မြို့နယ်ဦးစီးမှူး ဦးခန့်ဝေယံနှင့် ဝန်ထမ်းများက အစိုးရသစ်ကာလရက် (၁၀၀) စီမံချက်ဖြင့် နိုင်ငံသားစီစစ်ရေးကတ်များ အသစ်ပြုလုပ်ပေးခြင်းတို့ကို အဖွဲ့များခွဲ၍ အုတ်ကျင်းရပ်ကွက်နှင့် ဘော်ကြိုကျေးရွာအုပ်စုတို့တွင် ယနေ့နံနက်ပိုင်းက ကွင်းဆင်းပြုလုပ် ဆောင်ရွက်ပေးလျက်ရှိကြောင်း သိရသည်။အဆိုပါကွင်းဆင်းဆောင်ရွက်ပေးနေမှုများကို မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးလွင်၊ ပြည်သူ့လွှတ်တော်ကိုယ်စားလှယ် ဦးစိုင်းကောင်းသက်စံနှင့် မြို့နယ်ဌာနဆိုင်ရာတာဝန်ရှိသူများက ကြည့်ရှုအားပေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment