ဥပဒေရေးရာဝန်ကြီးဌာန၏ ရက် (၁၀၀) စီမံကိန်းဆောင်ရွက်မည့် အစီအမံများအပေါ် တိုင်းဒေသကြီး၊ ပြည်နယ်ဥပဒေချုပ်များ၊ ဥပဒေအရာရှိများနှင့် ခရိုင်ဥပဒေအရာရှိများအား ရှင်းလင်းဆွေးနွေး

နေပြည်တော်၊ မေ ၁၁

ဥပဒေရေးရာဝန်ကြီးဌာန ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါက်တာသီတာဦးသည် တိုင်းဒေသကြီး၊ ပြည်နယ်ဥပဒေချုပ်များ၊ ဥပဒေအရာရှိများနှင့် ခရိုင်ဥပဒေအရာရှိများအား ယမန်နေ့က နေပြည်တော်ရှိ ဥပဒေရေးရာဝန်ကြီးဌာန၌ တွေ့ဆုံ၍ နိုင်ငံတော်သမ္မတ၏ လမ်းညွှန်ချက်များမှ တရားဥပဒေစိုးမိုးရေး၊ နိုင်ငံသားတိုင်း ဥပဒေ၏ အကာအကွယ်အညီအမျှရရှိရေးနှင့် ဥပဒေရေးရာဝန်ကြီးဌာန၏ ရက် (၁၀၀) စီမံကိန်းဆောင်ရွက်မည့်အစီအမံများအပေါ် ရှင်းလင်းဆွေးနွေးသည်။

အခမ်းအနားတွင် ပြည်ထောင်စုဝန်ကြီးနှင့် ပြည်ထောင်စုရှေ့နေချုပ်က ဥပဒေရေးရာဝန်ကြီး ဌာနအနေဖြင့် တရားဥပဒေစိုးမိုးရေးနှင့် ဥပဒေအသိပညာပြန့်ပွားရေးလုပ်ငန်းများ အဓိကလုပ်ဆောင်ရမည်ဖြစ်ကြောင်း၊ ဥပဒေကြောင်းအရ သေချာရေရာမှု (Legal Certainty) ရှိခြင်းသည် တရားဥပဒေစိုးမိုးရေး (Rule of Law) ၏ အညွှန်းကိန်းတစ်ရပ်ဖြစ်၍ ဥပဒေမူကြမ်းများတွင် Legal Certainty ရှိရန်နှင့် စနစ်တကျရှိရန် အထူးလိုအပ်ကြောင်း ပြောကြားသည်။

ထို့နောက် ဒုတိယဝန်ကြီးနှင့် ဒုတိယရှေ့နေချုပ် ဒေါက်တာထိန်လင်းဦးက လုပ်ငန်းဆိုင်ရာ လမ်းညွှန်မှုများနှင့် တိုင်းဒေသကြီး၊ ပြည်နယ်ဥပဒေချုပ်များက လုပ်ငန်းဆောင်ရွက်မှုအခြေအနေများကို ဆွေးနွေးတင်ပြကြရာ ပြည်ထောင်စုဝန်ကြီးနှင့် ပြည်ထောင်စုရှေ့နေချုပ်က ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။

#MNP #News