ကျိုက်ထိုမြို့နယ်တွင် ၂၀၂၆-၂၀၂၇ ပညာသင်နှစ် ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေး‌ဆိုင်ရာ သင်တန်းဖွင့်လှစ်

ကျိုက်ထို၊ မေ ၁၄

မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်တွင် ၂၀၂၆-၂၀၂၇ ပညာသင်နှစ် KG,G-1 သင်ပြနည်းစနစ်နှင့် မူကြိုသင်ပြနည်းစနစ် ချိတ်ဆက်ဆောင်ရွက်နိုင်ရေးအတွက် ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေး‌ဆိုင်ရာ သင်တန်းကို ယနေ့နံနက်ပိုင်းက အမှတ်(၁)အခြေခံပညာအထက်တန်း ကျောင်း(ရာပြည့်ခန်းမ)၌ ကျင်းပပြုလုပ်ခဲ့သည်။

ဦးစွာ မြို့နယ်အခြေခံပညာဦးစီးဌာနမှ မြို့နယ်ပညာရေးမှူးဦးမောင်ညိုက အဖွင့်အမှာစကားနှင့်သင်တန်းပြုလုပ်ရသည့် ရွယ်ချက်များကိုပြောကြားခဲ့သည်။

အဆိုပါသင်တန်းတွင် ECCD Law ၊ Child Law ၊ ကလေးစိတ်ပညာ၊ ကလေးသဘာဝနှင့် အခြေခံ၊ သင်ယူမှုအခြေခံအုတ်မြစ်သင်ယူမှုပုံစံများ၊ ကလေးဖွံ့ဖြိးမှု၊ Classroom Management ၊ ဘာသာစကားဖွံ့ဖြိုးမှုအတွက် အခြေခံ music စသည့် ဘာသာရပ်များကို သင်တန်းနည်းပြ(၁၀)ဦးတို့က သင်တန်းသား/သူ(၂၄၆)ဦးတို့အား (၁၀)ရက်ကြာ စာတွေ့လက်တွေ့သင်ကြားပို့ချသွားမည်ဖြစ်ကြောင်း သိရသည်။

ပြည့်ဖြိုး

#MNP #News