မြောက်ဥက္ကလာပ၊ မေ ၁၆
ရန်ကုန်တိုင်းဒေသကြီး၊ မရမ်းကုန်းခရိုင်၊ မြောက်ဥက္ကလာပမြို့၌ ဆုတောင်းပြည့်မယ်လမုစေတီတော်ကြီးခြံ၀င်အတွင်း အဝီစိ ရေတွင်း ၊ ရေကန် နှင့် ရေစင် ပြုလုပ်လှုဒါန်းခြင်း ရေစက်ချမင်္ဂလာအခမ်းအနားကို ယနေ့ နံနက်ပိုင်းက အဆိုပါ ဆုတောင်းပြည့်မယ်လမုစေတီတော် ဂေါပကအဖွဲ့ရုံးခန်းမ၌ ပြုလုပ်သည်။
ဦးစွာ ပင့်ဖိတ် ဆရာတော်သံဃာတော်အရှင်သူမြတ်များ၊ အလှူဒါယိကာမ ဒေါ်နက်စိန်အား အမှူးထား၍ ဦးမြင့်သိန်း ဇနီး ဒေါ်ခင်ငယ် မိသားစု ၊မြို့နယ်သာသနာ့ ရေးမှူး ၊ ဘဏ္ဍာတော်ထိန်းဂေါပကအဖွဲ့ ယာယီ (ဥက္ကဋ္ဌ)ဦးသန်းအောင် နှင့် အဖွဲ့၀င်များ ၊ ဥပါသကာအဖွဲ့၀င်များ ၊ ဧည့်ပရိတ်သတ်များက နမောတဿ မဟာပဏာမ သုံးကြိမ်ရွတ်ဆို ဘုရားကန်တော့ခဲ့ကြပြီး ဆုတောင်းပြည့်မယ်လမုစေတီတော်ဩဝါဒစရိယမြို့နယ်သံဃနာယက ဥက္ကဋ္ဌ အဂ္ဂမဟာဂန္ထဝါစကပဏ္ဍိတ ဇလွန်ပရိယတ္တိစာသင်တိုက်ဆရာတော်ထံမှ ငါးပါးသီလခံယူ ဆောက်တည်ကြကာ ဆရာတော်သံဃာတော်အရှင်သူမြတ်များကရွတ်ဖတ်ချီးမြှင့်တော်မူသော ပရိတ်တရားတော်များ နာယူခဲ့ကြရာ အလှူရှင်မိသားစုမှ န၀ကမ္မအလှူငွေများ ဆက်ကပ်ခဲ့ကြသည်။ ဆက်လက်၍ ဓမ္မိဿရကျောင်းတိုက် ဆရာ တော် ထံမှ အနုမောတနာ တရားနှင့် ရေစက် သွန်းချ တရားနာယူကြရာ လှူဒါန်းမှုအစုစုအတွက် ရေစက်သွန်းချ အမျှပေးဝေပြီး အခမ်းအနားကို ဗုဒ္ဓသာသနံစိရံတိဌတု သုံးကြိမ်ရွတ်ဆိုဆုတောင်း၍ အခမ်းအနားအားရုတ်သိမ်းခဲ့ကြသည်။
အဆိုပါ ဆုတောင်းပြည့်မယ်လမု စေတီတော် အတွင်းအဝီစိ ရေတွင်း ၊ ရေကန် နှင့် ရေစင် လှူဒါန်းသော အလှူ ငွေတန်ဖိုးမှာ ၂၇၀၀၀၀၀၀ ကျပ် နှင့် စုစုပေါင်းကုန်ကျငွေ ၇၅၀၀၀၀၀၀ ကျပ် ဖြစ်ကြောင်း ဘဏ္ဍာတော်ထိန်းဂေါပကအဖွဲ့ ထံမှ သိရသည်။
သက်လွင်စိုး
#MNP #News
No comments:
Post a Comment