ကျိုက်ထို၊ ဇွန် ၁၅
မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်တွင် Placement Test ဖြေဆိုနေမှူများအား တာဝန်ရှိသူများက ယနေ့နံနက်ပိုင်းက အမှတ်(၁)အခြေခံ ပညာအထက်တန်းကျောင်း၌ ကွင်းဆင်းကြည့်ရှုခဲ့သည်။
Placement Test ဖြေဆိုခြင်းသည် ၂၀၂၁-၂၀၂၂ ပညာသင်နှစ်မှ စ၍ အကြောင်းအမျိုးမျိုးကြောင့် ကျောင်းပြင်ပသို့ ရောက်ရှိနေသော အခြေခံကျောင်းများ၊ ကိုယ်ပိုင်(သို့)ပုဂ္ဂလိကကျောင်းများ၊ ဘုန်းတော်ကြီးသင် ပညာရေးကျောင်းများမှ အခြေခံမူလတန်းဆင့်၊ အလယ်တန်းဆင့် ကျောင်းနေအရွယ်ကလေးများအား အသက်အရွယ်အရ သတ်မှတ်ထားသည့်အတန်းများသို့ ဝင်ရောက်ပညာသင်ယူနိုင်ရေး အထူးအစီအစဉ်အနေဖြင့် ဖြေဆိုခြင်းဖြစ်ပြီး မြန်မာစာဘာသာရပ်ဖြေဆိုရန် စာရင်းရှိ(၂၀၉)ဦးရှိပြီးဝင်ရောက်ဖြေဆိုသူ (၁၇၂)ဦးရှိ၍ ပျက်ကွက်သူ(၃၇)ဦးရှိကြောင်း မြို့နယ်ပညာရေးမှူးရုံးမှသိရသည်။
အဆိုပါ Placement test ဖြေဆိုရာသို့ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးကံစောလှိုင်နှင့်အဖွဲ့ဝင်များ၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဋ္ဌ ဦးတင့်လွင်နှင့်အဖွဲ့ဝင်များ၊ ပညာရေးဌာနဝန်ထမ်းများမှ ကွင်းဆင်းကြည့်ရှုပြီး လိုအပ်သည်များကို ကူညီဆောင်ရွက်ပေးခဲ့ကြောင်း သိရသည်။
ပြည့်ဖြိုး
#MNP #News
No comments:
Post a Comment