ခမောက်ကြီးမြို့တွင် မူလတန်းကျောင်းသား၊ ကျောင်းသူများအား အာဟာရဖွံ့ဖြိုးရေးအတွက် စားသောက်ဖွယ်ရာများကျွေးမွေး

ခမောက်ကြီး၊ ဇူလိုင်   ၉

တနင်္သာရီတိုင်းဒေသကြီး၊ ကော့သောင်းခရိုင်၊ခမောက်ကြီးမြို့တွင် ကျေးလက်ကျန်းမာရေး ဦးစီးဌာနခွဲနှင့် အခြေခံပညာဦးစီးဌာနတို့ပူပေါင်း၍ ကျောင်းကျန်းမာရေးနှင့် အာဟာရဖွံဖြိုးတိုးတက်ရေးအတွက်(KG)တန်းကျောင်းသားကျောင်းသူများအား အာဟာရပြည့်ဝသော စားသောက်ဖွယ်ရာများကျွေးမွေးခြင်းကို ယနေ့နံနက် ၁၁နာရီခွဲက ဆောင်ရွက်သည်။

အဆိုပါ အာဟာရကျွေးမွေးဆောင်ရွက်ခြင်းကို အ.လ.က ယုဇန အခြေခံပညာ အလယ်တန်းကျောင်းရှိ (KG)တန်းကျောင်းသားကျောင်းသူ ကလေးငယ်များအား အာဟာရပြည့်ဝစွားရရှိရေး၊ ဦးနှောက်နှင့်ခန္ဓာကိုယ်ဖွံ့ဖြိုးတိုးတက်ရေး၊ ကျန်းမာကြံ့ခိုင်ရေးနှင့် မှတ်ဉာဏ်များကောင်းမွန်ရေးအတွက် အာဟာရပြည့်ဝသောစားသောက်ဖွယ်ရာများကို ကျွေးမွေးခြင်းဖြစ်ရာ အဆိုပါကျွေးမွေးပွဲသို့ ကျေးလက်ကျန်းမာရေးဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ တာဝန်ရှိသူများနှင့် ဆရာ၊ဆရာမများက လိုက်လံ​​ကြည်ရှုခဲ့ကြောင်းသိရသည်။

#MNP #News