ဝါရှင်တန်၊ ဇူလိုင် ၁၈
အမေရိကန်စစ်တပ်သည် အမေရိကန်အရှေ့ပိုင်း စံတော်ချိန် ဇူလိုင် ၁၇ ရက် ညနေ ၃ နာရီတွင် အီရန်အား အသစ်တစ်ကြိမ် တိုက်ခိုက်မှု လုပ်ဆောင်ခဲ့ကြောင်း၊ ယင်းသည် အီရန်အား ၇ ညမြောက် ဆက်တိုက် ထိုကဲ့သို့တိုက်ခိုက်မှု လုပ်ဆောင်ခြင်းဖြစ်ပြီး “အီရန်၏စစ်ရေးတိုက်ခိုက်မှုစွမ်းရည်အား ဆက်လက်ချည့်နဲ့သွားအောင် လုပ်ဆောင်ရန်” ရည်ရွယ်ကြောင်း အမေရိကန်ဗဟိုကွပ်ကဲရေးဌာနချုပ် (CENTCOM) က ထိုနေ့တွင် လူမှုမီဒီယာ၌ သတင်းထုတ်ပြန်ခဲ့သည်။
အမေရိကန်စစ်တပ်သည် ဇူလိုင် ၁၆ ရက်တွင် အီရန်နိုင်ငံ Chabahar ဆိပ်ကမ်းရှိ စောင့်ကြည့်ရေးတာဝါတစ်ခုကို ဖျက်ဆီးခဲ့ပြီး ယင်းတာဝါသည် “အီရန်အစ္စလာမ်မစ် တော်လှန်ရေးအစောင့်တပ်ဖွဲ့ ပင်လယ်ရေပြင် စောင့်ကြည့်ရေးကွန်ရက်၏ တစ်စိတ်တစ်ပိုင်းဖြစ်ပြီး ဆယ်စုနှစ်ချီကာလအတွင်း ဟော်မုဇ်ရေလက်ကြားအား ဖြတ်သန်းသွားသော စီးပွားရေးကုန်တင်သင်္ဘောများအား ခြေရာခံခြင်းနှင့် ပစ်မှတ်ထားခြင်းတို့ လုပ်ဆောင်ရန် အစဉ်အမြဲအသုံးပြုခဲ့” ကြောင်း ထိုနေ့အစောပိုင်းတွင် CENTCOM က ပို့စ်တင်၍ ပြောကြားခဲ့သည်။
လတ်တလောရက်ပိုင်းတွင် အမေရိကန်စစ်တပ်က အီရန်အား စစ်ရေးတိုက်ခိုက်မှုများ ဆက်တိုက် လုပ်ဆောင်ခဲ့သည်။ အမေရိကန်စစ်တပ်က ဇူလိုင် ၁၆ ရက်တွင် အီရန်အပေါ် အကြီးအကျယ်တိုက်ခိုက်မှု လုပ်ဆောင်ခဲ့ရာ တိုက်ခိုက်မှုသည် ၇ နာရီ ၄၀ မိနစ် ကြာမြင့်ခဲ့ကြောင်း၊ အမေရိကန်စစ်တပ်သည် တိုက်လေယာဉ်၊ ဒရုန်းနှင့် စစ်သင်္ဘောများကို အသုံးပြု၍ ပစ်မှတ်တိကျမှုမြင့်မားသော စစ်လက်နက်များ ပစ်လွှတ်ခဲ့ရာ အီရန်စစ်ရေးပစ်မှတ် ဒါဇင်နှင့်ချီ ထိမှန်ခဲ့ကြောင်း၊ ၎င်းတို့တွင် ကမ်းရိုးတန်းတစ်လျှောက် စောင့်ကြည့်ရေးနှင့် လေကြောင်းကာကွယ်ရေး အဆောက်အဦ၊ စစ်ရေးထောက်ပံ့ရေး အခြေခံအဆောက်အဦနှင့် ပင်လယ်ရေပြင်စစ်ဆင်ရေး အဆောက်အဦများ ပါဝင်ကြောင်း CENTCOM က ထိုနေ့တွင် ပြောကြားခဲ့သည်။
Ref - (Xinhua)
#MNP #News
No comments:
Post a Comment