ပေါင်၊ ဇူလိုင် ၆
မွန်ပြည်နယ်၊ ပေါင်မြို့နယ်၊ ကဒါရပ်ကွက် တွင် လေပြင်းတိုက်ခတ်မှုကြောင့် ပျက်စီးသွားသည့် လူနေအိမ်များနှင့် သာသနိက အဆောက်အအုံတို့အား ကယ်ဆယ်ရေးပစ္စည်း၊ အိမ်ဆောက်ပစ္စည်းများနှင့် ဆန်ရိက္ခာဖိုးငွေ ပေးအပ်ခြင်း အခမ်းအနားကို ယနေ့မွန်းလွဲပိုင်းက ပေါင်မြို့နယ်၊ အထွေထွေအုပ်ချုပ်ရေး ဦးစီးဌာန၊ ဝါရီရူခန်းမ၌ ကျင်းပပြုလုပ်ခဲ့သည်။
မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးထင်လင်းအောင်က ကဒါရပ်ကွက်တွင် ဇူလိုင်လ ၅ ရက်နေ့၊ ညပိုင်းက လေပြင်းတိုက်ခတ်မှုကြောင့် သာသနိက အဆောက်အအုံ၊ အခြေခံပညာမူလတန်းကျောင်းနှင့် လူနေအိမ်အချို့ ပျက်စီးဆုံးရှုံးမှု အခြေအနေတို့အပေါ် ပြန်လည်နေရာချထားနိုင်ရေးအတွက် အလှူငွေများနှင့် အိမ်ဆောက်ပစ္စည်းများ ပေးအပ်ရခြင်းဖြစ်ကြောင်း၊ လေဆင်နှာမောင်းသည် နေရာအနှံအပြားတွင်ဖြစ်ပွားတတ်ပြီး ငလျင်ကဲ့သို့ ကြိုတင်ကာကွယ်ရန် ခက်ခဲကြောင်း၊ အဓိကအားဖြင့်မိုးရာသီအစမှာ သစ်ပင်များခုတ်လှဲရှင်းလင်းခြင်းများကို ဌာနဆိုင်ရာတာဝန်ရှိသူများနှင့် အုပ်ချုပ်ရေးမှူးများက ကြီးကြပ်ဆောင်ရွက်ရမည်ဖြစ်ကြောင်း၊မိမိဆိုင်ခန်းအပေါ်မှာရှိသည့် သစ်ပင်ကြီးများကို ခုတ်လဲရှင်းလင်းဖို့လိုအပ်ပါကြောင်း အမှာစကားပြောကြားခဲ့သည်။
ဆက်လက်ပြီး မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌ ဦးထင်လင်းအောင်နှင့်အဖွဲ့ဝင်များနှင့် အမျိုးသမီးရေးရာအဖွဲ့ဥက္ကဌ ဒေါ်နွေးနွေးတို့က ပြိုကျနေသည့် နေအိမ်များ၊ ဘုန်းကြီးကျောင်းများအတွက် အိမ်ဆောက်ပစ္စည်းဖိုးငွေ(၂၉၄၀၀၀၀)ကျပ်၊လူဦးရေး(၂၃၈)ဦးတို့အတွက် ဆန်ရိက္ခာဖိုးငွေ (၁၁၉၀၀၀၀)ကျပ် စုစုပေါင်း ငွေကျပ် (၄၁၃၀၀၀၀)ကျပ်တို့အား ပေးအပ်ခဲ့သည်။
ယင်းနောက် လေဘေးသင့်ပြည်သူများ ကိုယ်စား ပြည်သူတစ်ဦးမှ ကျေးဇူးတင်စကားပြန်လည်ပြောကြားခဲ့ပြီး မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးထင်လင်းအောင်က လေဘေးသင့်ပြည်သူများအား လိုအပ်သည်များကို ဖြည့်ဆည်းဆောင်ရွက်ပေးခဲ့ကြောင်း သိရသည်။
မွန်မလေး
#MNP #News
No comments:
Post a Comment