ပေါင်၊ ဇူလိုင် ၆
ပြည်နယ်ဝန်ကြီးချုပ်နှင့် အဖွဲ့သည် ပေါင်မြို့နယ် ကဒါရပ်ကွက် ၌ ဇူလိုင်လ ၅ရက်နေ့၊ ညပိုင်းက လေပြင်းတိုက်ခတ်မှုကြောင့် သာသနိက အဆောက်အအုံ၊ အခြေခံပညာမူလတန်းကျောင်းနှင့် လူနေအိမ် အချို့ ပျက်စီးဆုံးရှုံးမှု တို့အား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊မီးသတ်တပ်ဖွဲ့ဝင်များ၊လျှပ်စစ်ဝန်ထမ်းများရပ်မိရပ်ဖများက ပြိုလဲသစ်ပင်များခုတ်ထွင်ရှင်းလင်းခြင်း၊ပြိုလဲလျှပ်စစ်မီးတိုင်များ၊ အိမ်ခေါင်မိုးလန်နေအိမ်များကူညီဆောင်ရွက်နေမှုအခြေအနေများကို သွားရောက် ကြည့်ရှုစစ်ဆေးခဲ့သည်။
ထို့နောက် ပြည်နယ်ဝန်ကြီးချုပ်က လေဘေးသင့်ပြည်သူများ၏ နေအိမ်များ အမြန်ဆုံး ပြန်လည် ပြုပြင်ဆောင်ရွက်နိုင်ရေး၊ ဘေးသင့်သူများအားကူညီ ထောက်ပံ့နိုင်ရေး ဆောင်ရွက်သွားရန် လမ်းညွှန်မှာကြားပြီး လေဘေးသင့်ပြည်သူများကို ရင်းရင်းနှီးနှီး လိုက်လံ အားပေးစကားများပြောကြားခဲ့ကာ လိုအပ်သည်များကိုတာဝန်ရှိသူများအားမှာကြား၍ပေါင်းစပ် ဖြည့်ဆည်းကူညီဆောင်ရွက်ပေးခဲ့ကြောင်း သိရှိရသည်။
မွန်မလေး
#MNP #News
No comments:
Post a Comment