မြောက်ဥက္ကလာ၊ ဇူလိုင် ၉
ရန်ကုန်တိုင်းဒေသကြီး၊ မရမ်းကုန်းခရိုင် ၊ မြောက်ဥက္ကလာပမြို့နယ်အတွင်းရှိ ကျားခေါင်းစက်ရုံရှိ ၀န်ထမ်းများအား ကိုဗစ်-၁၉ ရောဂါကာကွယ် ဆေး(Pfizer Vaccine)ထိုးနှံပေးခြင်းကို ယမန်နေ့က အဆိုပါ စက်ရုံတွင် ကျန်းမာရေး၀န်ထမ်းများက ကွင်းဆင်း ထိုးနှံ ပေးခဲ့ကြသည်။
အဆိုပါ ကာကွယ်ဆေးထိုးနှံရာတွင် မြောက်ဥက္ကလာပမြို့နယ် ပြည်သူ့ကျန်းမာရေးဦးစီးဌာနမှူးဒေါက်တာမျိုးမင်းထွန်း ဦးဆောင်ကြီးကြပ်မှုဖြင့် ကျန်းမာရေးဝန်ထမ်းများက မြောက်ဥက္ကလာပမြို့နယ် ၊(င)ရပ်ကွက်၊ ကျားခေါင်းစက်ရုံရှိ ၀န်ထမ်းများအား ကာကွယ်ဆေးမထိုးနှံမှီ ကျန်းမာရေးစစ်ဆေးမှုများပြုလုပ်ခြင်း၊ စာရင်းအချက်အလက် ကောက်ယူခြင်းများဆောင်ရွက်ပြီး ၀န်ထမ်းများအား ကိုဗစ်-၁၉ရောဂါထပ်ဆောင်းကာကွယ်ဆေး (Pfizer Vaccine) ကို ကျန်းမာရေး၀န်ထမ်းများကထိုးနှံပေးခဲ့ကြကြောင်းသိရသည်။
သက်လွင်စိုး
#MNP #News
No comments:
Post a Comment