ကျောက်တံခါး၊ အောက်တိုဘာ ၅
ပဲခူးတိုင်းဒေသကြီး၊ ညောင်လေးပင်ခရိုင်၊ ကျောက်တံခါးမြို့နယ်၌ မြို့နယ်အတွင်းရှိ တောင်သူများအား ဆောင်းသီးနှံဆီထွက်ပဲပုပ် ဧက (၃၀၀၀) စီမံကိန်းတာဝန်ပေးအပ်ခြင်းနှင့် ဆောင်းသီးနှံဆီထွက်ပဲပုပ်မျိုးစေ့များ ပေးအပ်ပွဲအခမ်းအနားကို ယနေ့နံနက် ၉ နာရီအချိန်က ဆင်ဇလုပ်ကျေးရွာ၊ ဘုန်းတော်ကြီးကျောင်းဓမ္မာရုံ၌ ပေးအပ်ခဲ့သည်။
အခမ်းအနားတွင် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးအောင်ကျင်ဆန်းက အဖွင့်အမှာစကားပြောကြားခဲ့ပြီး မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးဇော်နိုင်က ဆောင်းသီးနှံဆီထွက်ပဲပုပ်ဧကများ စီမံကိန်းတာဝန်ပေးခြင်းနှင့် ဆောင်းသီးနှံဆီထွက်ပဲပုပ်မျိုးစေ့ များ ပေးအပ်ခြင်းအကြောင်းအရာများကို ရှင်းလင်းပြောကြားခဲ့သည်။
ထို့နောက် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးအောင်ကျင်ဆန်းနှင့်အဖွဲ့ဝင်များ၊ မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးဇော်နိုင်တို့က ဆောင်းသီးနှံဆီထွက်ပဲပုပ် စိုက်တောင်သူများထံသို့ ရေဆင်း-၁၅ ပဲပုပ်မျိုးစေ့များ ပေးအပ်ခဲ့ကြောင်း သိရသည်။
မျိုးမင်း
#News #Myanmar
No comments:
Post a Comment