မြဝတီ၊ အောက်တိုဘာ ၂
ကရင်ပြည်နယ်၊ မြဝတီမြို့နယ်၊ သင်္ဃန်းညီနောင် ကျေးရွာအုပ်စု ပြန်လည်ထူထောင်ရေးလုပ်ငန်းတွင် အထောက်အကူဖြစ်စေရန် အတွက်ကရင်ပြည်နယ်အစိုးရအဖွဲ့မှ ထောက်ပံ့သည့် အိမ်အမိုးသွပ်နှင့် ဘိလပ်မြေအိတ်များထောက်ပံ့ပေးအပ်ခြင်းအခမ်းအနားကို ယနေ့နံနက် ၁၀ နာရီခွဲက မြဝတီမြို့အထွေထွေအုပ်ချုပ်ရေးဦးစီးဌာန စုပေါင်းရုံးအစည်းအဝေးခန်းမတွင် ကျင်းပပြုလုပ်ခဲ့ သည်။
ရှေးဦးစွာ မြဝတီခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ခရိုင်အုပ်ချုပ်ရေးမှူး ဦးရဲလင်းမောင်က အဖွင့်အမှာစကားပြောကြားခဲ့ပြီး သင်္ဃန်းညီနောင် ကျေးရွာ ပြန်လည်ထူ ထောင်ရေးအတွက် ကရင်ပြည်နယ်အစိုးရအဖွဲ့မှ ထောက်ပံ့သည့်အိမ်အမိုး သွပ်နှင့် ဘိလပ်မြေအိတ်များကို ဆက်လက်ထောက်ပံ့ပေးအပ်ခဲ့သည်။
ထိုသို့ ပေးအပ်ခဲ့ရာ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ခရိုင်အုပ်ချုပ်ရေးမှူး ဦးရဲလင်းမောင်၊ မြို့နယ်စီမံခန့်ခွဲရေးနှင့် အုပ်ချုပ်ေရးကော်မတီဥက္ကဋ္ဌ မြို့နယ်အုပ်ချုပ်ရေးမှူး ဦးဇော်မော်အောင်နှင့်တာဝန်ရှိသူများက သင်္ဃန်းညီနောင်ကျေးရွာရှိ အိမ်ထောင်စု (၁၇၉) စု ရှိသည့်အနက် ပထမဦးစားပေးအိမ် ထောင်စု(၈၇)စုအတွက်အိမ်ထောင်စု တစ်စုလျှင် ဘိလပ်မြေ (၂၀)အိတ်နှင့်အိမ်အမိုး သွပ် (၄၀)ချပ်တို့ကိုပေးအပ်ခဲ့ရာ တက်ရောက်လာကြသည့် သင်္ဃန်းညီနောင်ကျေးရွာနေပြည်သူများက လက်ခံရယူခဲ့ကြသည်။
ဆက်လက်ပြီးသင်္ဃန်းညီနောင်ကျေးရွာနေ ပြည်သူတစ်ဦးက ကျေးဇူးတင်စကားကိုပြန်လည် ပြောကြားခဲ့ပြီး အခမ်းအနားကို ရုပ်သိမ်းခဲ့ကြောင်း သိရသည်။
ဆောင်းနှင်းဖြူ
#News #Myanmar
No comments:
Post a Comment