အစ္စရေးတွေ အနောက်ကမ်းဒေသကို နယ်မြေချဲ့နေတာနဲ့ ပတ်သက်ပြီး တရုတ်က သတိပေး

အောက်တိုဘာ - ၁၉ ( တနင်္လာနေ့ ) 

တရုတ်နိုင်ငံခြားရေးဝန်ကြီး ဝမ်ယိ ဟာ အစ္စရေးသမ္မတ အိုင်ဇက်ဟာဇော့နဲ့ တွေ့ဆုံအပြီးမှာ၊ အစ္စရေးအနေနဲ့ သိမ်းပိုက်ထားတဲ့ အနောက်ဖက်ကမ်းက အခြေချနေထိုင်ရာတွေကို ရပ်တန့်ဖို့နဲ့ ပြန်ရုပ်သိမ်းဖို့ တိုက်တွန်းလိုက်ပါတယ်။ အဲဒီလိုလုပ်တာဟာ ပါလက်စတိုင်းပြဿနာကို ဒီရာစုရဲ့ “အကြီးမားဆုံး သမိုင်းဝင်မတရားမှု” လို့ ဘေဂျင်းက ထုတ်ပြန်လိုက်ပါတယ်။

အဲဒီအရာရှိနှစ်ဦးဟာ အဇာဘိုင်ဂျန်နိုင်ငံ၊ ဘာကူမြို့မှာ ကျင်းပတဲ့ အာရှတိုက် ယုံကြည်မှု တည်ဆောက်ရေး နဲ့ အပြန်အလှန်ဆက်ဆံရေး ညီလာခံ (CICA) ရဲ့ ဘေးဘက် အစည်းအဝေးမှာ ကြာသပတေးနေ့က တွေ့ဆုံခဲ့ကြတာ ဖြစ်ပါတယ်။

အရှေ့အလယ်ပိုင်းမှာ ငြိမ်းချမ်းရေးနဲ့ ပြေလည်မှုရဖို့ ကြိုးစားတာဟာ တရုတ်နိုင်ငံခြားရေးဝါဒရဲ့ အုတ်မြစ်ဖြစ်တယ်လို့ ဝမ်ယိက ပြောခဲ့ပြီး၊ တစ်မြေတည်း နှစ်ပြည်ထောင် ဖြေရှင်းနည်းလမ်း  ကသာ အစ္စရေး -ပါလင်စတိုင်း ပဋိပက္ခကို ဖြေရှင်းနိုင်မယ့် တစ်ခုတည်းသော မှန်ကန်တဲ့လမ်းကြောင်း ဖြစ်တယ်လို့ အလေးပေး ပြောကြားခဲ့ပါတယ်။

ဂါဇာကမ်းမြောင်ဒေသမှာ လွန်ခဲ့တဲ့ တစ်နှစ်က အပစ်အခတ်ရပ်စဲရေး ရထားခဲ့ပေမဲ့ လူသားချင်း စာနာထောက်ထားမှုဆိုင်ရာ အခြေအနေတွေကတော့ အခုထိ အလွန်အမင်း စိုးရိမ်စရာကောင်းဆဲပဲလို့ တရုတ်သံတမန်က သတိပေးလိုက်ပါတယ်။ ဝမ်ယိက “အရေးအကြီးဆုံး ဦးစားပေးရမယ့်အချက်ကတော့ ဂါဇာကို ဝင်ရောက်ခွင့် အပြည့်အဝ ဖွင့်ပေးဖို့ပါပဲ” လို့ ပြောခဲ့ပြီး၊ အရပ်သား ၂ သန်း ကျော်ဟာ အသက်ရှင်ရပ်တည်ဖို့ ရုန်းကန်နေရတာမျိုး ဒါမှမဟုတ် လူသားချင်းစာနာမှုဆိုင်ရာ ဘေးဒုက္ခ ဆိုးဆိုးရွားရွား နဲ့ ရင်ဆိုင်ရတာမျိုး လုံးဝ မဖြစ်သင့်ဘူးလို့ တိုက်တွန်းခဲ့ပါတယ်။

ဒါ့အပြင် အစ္စရေးအနေနဲ့ အနောက်ဖက်ကမ်းမှာ အခြေချနေထိုင်ရာတွေကို အတင်းအကျပ် တည်ဆောက်နေတဲ့ လုပ်ရပ်တွေကို “ချက်ချင်းရပ်တန့်ပြီး မူလအတိုင်း ပြန်ပြင်ဖို့” လည်း သူက ဖြည့်စွက်ပြောကြားခဲ့ပါတယ်။

တစ်ဖက်မှာတော့ အစ္စရေးသမ္မတ ဟာဇော့က အစ္စရေးဟာ ငြိမ်းချမ်းရေးကို လိုလားပေမဲ့ “လုံခြုံရေး ခြိမ်းခြောက်မှုတွေ” ကို ဆက်ပြီး ရင်ဆိုင်နေရဆဲ ဖြစ်ကြောင်း ပြောကြားခဲ့ပါတယ်။ အိတ်စ်  လူမှုကွန်ရက်ပေါ်မှာ တင်ခဲ့တဲ့ သူ့ရဲ့ပို့စ်မှာတော့ အီရန်နဲ့ သူ့ရဲ့ ဒေသတွင်း မဟာမိတ်တွေဟာ အဓိက အန္တရာယ်တွေ ဖြစ်တယ်လို့ စွပ်စွဲ ရေးသားခဲ့ပါတယ်။

REF: RT

#News #Myanmar