အစ္စရေးမှာ နေတန်ယာဟုအတွက် နေရာပျောက်တော့မှာလား

နိုဝင်ဘာ - ၈ ( တနင်္ဂနွေနေ့ ) 

အစ္စရေးသမ္မတ အိုင်ဇက်ဟာဇော့ က နိုင်ငံရဲ့ နောက်အစိုးရဖွဲ့စည်းဖို့အတွက် အတိုက်အခံခေါင်းဆောင် ဂဒီအီဆန်ကော့  ကို တာဝန်ပေးအပ်မယ်လို့ ကြေညာလိုက်ပါတယ်။ ဒါဟာ လွန်ခဲ့တဲ့လက မရေရာမသေချာတဲ့ လွှတ်တော်ရွေးကောက်ပွဲအပြီးမှာ လက်ရှိဝန်ကြီးချုပ် ဘင်ဂျမင်နေတန်ယာဟု  အတွက် ကြီးမားတဲ့ နိုင်ငံရေးနောက်ဆုတ်မှုတစ်ခု ဖြစ်လာစေခဲ့ပါတယ်။

ဟာဇော့ဟာ အဲ့ဒိဆုံးဖြတ်ချက်ကို စနေနေ့မှာ အီဆန်ကော့နဲ့ နေတန်ယာဟု နှစ်ဦးစလုံးကို အကြောင်းကြားခဲ့တာဖြစ်ပြီး၊ ဗဟိုဝါဒီ ရှင်ယား ပါတီကို ဦးဆောင်နေတဲ့ စစ်ဦးစီးချုပ်ဟောင်း အီဆန်ကော့ဟာ မဟာမိတ်အစိုးရတစ်ရပ် ဖွဲ့စည်းဖို့အတွက် ရက်ပေါင်း ၂၈ ရက် ရရှိမှာဖြစ်ပြီး၊ လိုအပ်ရင် နောက်ထပ် နှစ်ပတ် ထပ်တိုးခွင့်လည်း ရှိပါတယ်။

ဒီတစ်ပတ်အစောပိုင်းက ပြုလုပ်ခဲ့တဲ့ ဆွေးနွေးတိုင်ပင်မှုတွေမှာ အီဆန်ကော့ဟာ အမတ် ၁၂၀ ပါဝင်တဲ့ ကနက်ဆက်  လွှတ်တော်မှာ ထောက်ခံမဲ ၆၇ မဲ ရရှိခဲ့ပြီး၊ နေတန်ယာဟုကို ထောက်ခံသူကတော့ ၄၆ မဲသာ ရှိခဲ့ပါတယ်။ ဒါပေမဲ့ အဲဒီထောက်ခံမှုတွေက အစိုးရတစ်ရပ်ကို သေချာပေါက် ဖွဲ့စည်းနိုင်မယ်လို့ အာမမခံနိုင်ပါဘူး။

အောက်တိုဘာ ၂၇ ရက် ရွေးကောက်ပွဲမှာ နေတန်ယာဟုရဲ့ လီကွတ် ပါတီက အကြီးဆုံးပါတီအဖြစ် ထွက်ပေါ်လာခဲ့ပေမဲ့ သူ့ရဲ့ လက်ယာယိမ်းနဲ့ ဘာသာရေးအုပ်စုက ၅၃ မဲသာ ရရှိခဲ့တာကြောင့် လွှတ်တော်မှာ အများစုဖြစ်ဖို့ လိုအပ်တဲ့ ၆၁ မဲအတွက်လိုအပ်ချက်ရှိနေပါတယ်။ အီဆန်ကော့ရဲ့ လေးပါတီပါဝင်တဲ့ အတိုက်အခံမဟာမိတ်အဖွဲ့ကတော့ ၄၈ မဲသာ ရရှိခဲ့ပြီး၊ စုစုပေါင်း စံချိန်တင် ၁၉ မဲကို ထိန်းချုပ်ထားတဲ့ အာရပ်တွေဦးဆောင်တဲ့ ပါတီနှစ်ခုက အဆုံးအဖြတ်ပေးမယ့် အနေအထားမှာ ရှိနေပါတယ်။

အီဆန်ကော့ကတော့ သူ့အစိုးရအဖွဲ့ထဲမှာ အာရပ်ပါတီတွေကို လုံးဝမထည့်ဘူးလို့ ပယ်ချထားပါတယ်။ သူ့ရဲ့မဟာမိတ်အချို့ကလည်း သူတို့ရဲ့ ပြင်ပကနေ ပံ့ပိုးကူညီမှုကိုတောင် လက်မခံချင်ကြပါဘူး။ နောက်တစ်နည်းကတော့ နေတန်ယာဟုနဲ့ အစဉ်အလာအရ မဟာမိတ်ဖြစ်ခဲ့တဲ့ အစွန်းရောက်မဟုတ်တဲ့ ဘာသာရေးပါတီတွေနဲ့ သဘောတူညီချက်ရယူဖို့ ဖြစ်နိုင်ခြေရှိပေမဲ့ စစ်မှုထမ်းခြင်းကနေ ကင်းလွတ်ခွင့်ပေးရေးနဲ့ပတ်သက်ပြီး သဘောထားကွဲလွဲနေတာတွေကတော့ ကြီးမားတဲ့ အဓိကအတားအဆီးတစ်ခု ဖြစ်နေတုန်းပါပဲ။

အမတ်နေရာ ၇ နေရာ ရထားတဲ့ ယူနိုက်တက်တိုရာဂျူဒိုင်းဇမ် ပါတီကတော့ သမ္မတနဲ့ တိုင်ပင်ဆွေးနွေးချိန်တွေမှာ နေတန်ယာဟုကို ထောက်ခံဖို့ သိသိသာသာ ငြင်းပယ်ခဲ့ပြီး အီဆန်ကော့နဲ့ ဆွေးနွေးညှိနှိုင်းဖို့ကိုတော့ ပွင့်ပွင့်လင်းလင်း ရှိနေကြောင်း အရိပ်အမြွက် ပြသထားပါတယ်။

တစ်ဖက်မှာလည်း နေတန်ယာဟုက စနေနေ့မှာ သူ့ရဲ့ လက်ရှိ မဟာမိတ်အဖွဲ့ဝင်တွေပါဝင်မယ့် အမျိုးသားညီညွတ်ရေး အစိုးရကြီးတစ်ခု ဖွဲ့စည်းဖို့ တောင်းဆိုခဲ့ပါတယ်။ အဲဒီလို မဟာမိတ်ဖွဲ့ခြင်းအားဖြင့် "အီရန်နိုင်ငံရဲ့ နျူကလိယခြိမ်းခြောက်မှုကို တစ်ခါတည်းနဲ့ ထာဝရ ဖယ်ရှားနိုင်လိမ့်မယ်" လို့ သူက ပြောဆိုခဲ့ပါတယ်။ ဒါ့အပြင် ဟားမတ်စ် ကို ထောက်ခံတယ်လို့ သူစွပ်စွဲထားတဲ့ အာရပ်ပါတီတွေအပေါ် မှီခိုနေရမယ့် အစိုးရတစ်ရပ်က အစ္စရေးနိုင်ငံရဲ့ ရပ်တည်ရှင်သန်မှုကို ခြိမ်းခြောက်လိမ့်မယ်လို့လည်း သတိပေး ပြောကြားခဲ့ပါတယ်။

REF: RT

#News #Myanmar