ဟူသီသူပုန်တွေ တိုးဝင်လာလို့ ယီမင်တပ်တွေ မန်ဒက်ရေလက်ကြားနားက ဆုတ်ပေးလိုက်ရ - Myanmar National Post

Myanmar National Post

News Agency

Breaking

ဟူသီသူပုန်တွေ တိုးဝင်လာလို့ ယီမင်တပ်တွေ မန်ဒက်ရေလက်ကြားနားက ဆုတ်ပေးလိုက်ရ


နိုဝင်ဘာ - ၁၆ ( တနင်္လာနေ့ ) 

ဆော်ဒီအာရေဗျ ကျောထောက်နောက်ခံပေးထားတဲ့ ယီမင်အစိုးရတပ်ဖွဲ့တွေဟာ ဘာ့ဘ်အယ်လ် မန်ဒက်ဘ်  ရေလက်ကြားကို စောင့်ကြည့်ထိန်းချုပ်နိုင်တဲ့ နေရာတွေကနေ ဆုတ်ခွာသွားခဲ့ပါတယ်။ အဲဒီအတွက် အီရန်ကျောထောက်နောက်ခံပေးထားတဲ့ ဟူသီသူပုန်တွေဟာ မဟာဗျူဟာအရ အရေးပါတဲ့ အဲဒီရေလက်ကြားကို ပိုမိုထိန်းချုပ်လာနိုင်တဲ့ အခြေအနေ ဖြစ်လာပါတယ်။

ဘာ့ဘ်အယ်လ်မန်ဒက်ဘ် ရေလက်ကြားဟာ ပင်လယ်နီနဲ့ အေဒင်ပင်လယ်ကွေ့ကို ဆက်သွယ် ပေးထားတဲ့ ရေလမ်းကြောင်းဖြစ်ပါတယ်။ ဒီရေလမ်းကြောင်းဟာ အီဂျစ်နိုင်ငံက စူးအက်တူးမြောင်းကို ဖြတ်သန်းပြီး အာရှနဲ့ ဥရောပအကြား ကုန်သွယ်ရေးသင်္ဘောတွေ သွားလာရာမှာ အလွန်အရေးပါတဲ့ လမ်းကြောင်းတစ်ခု ဖြစ်ပါတယ်။ အခုအခါ အမေရိကန်နဲ့ အစ္စရေးတို့ရဲ့ အီရန်အပေါ် စစ်ပွဲကြောင့် ဟော်မုဇ်ရေလက်ကြားကနေ သင်္ဘောအသွားအလာတွေ အနှောင့်အယှက်ဖြစ်နေတဲ့အတွက် ဒီရေလက်ကြားရဲ့ အရေးပါမှုက ပိုပြီး မြင့်တက်လာပါတယ်။

ယီမင်တပ်ဖွဲ့တွေ အခုလို ဆုတ်ခွာလိုက်တာဟာ ဟူသီသူပုန်တွေအတွက် ကုန်သွယ်ရေးသင်္ဘောတွေကို ဖိအားပေးနိုင်တဲ့ အခွင့်အရေး ပိုရလာစေနိုင်ပါတယ်။ ဒါ့အပြင် ပင်လယ်ကွေ့ဒေသက ရေနံထုတ်လုပ်တဲ့ နိုင်ငံတွေအနေနဲ့လည်း သူတို့ရဲ့ ရေနံတွေကို အရေးပါတဲ့ ပို့ကုန်လမ်းကြောင်းတွေကနေ တင်ပို့ဖို့ ပိုမိုအခက်အခဲဖြစ်လာနိုင်ပါတယ်။

နိုင်ငံတကာက အသိအမှတ်ပြုထားတဲ့ ယီမင်အစိုးရနဲ့ မဟာမိတ်ဖြစ်တဲ့ တောင်ပိုင်းလက်နက်ကိုင် တပ်ဖွဲ့က တနင်္ဂနွေနေ့မှာ ကြေညာချက်တစ်စောင် ထုတ်ပြန်ခဲ့ပါတယ်။ အဲဒီကြေညာချက်မှာ သူတို့ဟာ တိုင်ဇ်ပြည်နယ်ရဲ့ အနောက်ဘက်၊ ဘာ့ဘ်အယ်လ်မန်ဒက်ဘ် ရေလက်ကြားအနီးရှိ ဒူဘတ်လေဆိပ်နဲ့ အနီးပတ်ဝန်းကျင်က စစ်ရေးနေရာတွေကနေ တပ်တွေကို ပြန်လည်ရွှေ့ပြောင်းနေတယ်လို့ ဖော်ပြထားပါတယ်။ အဲဒီတပ်ဖွဲ့တွေကိုတော့ ယီမင်အစိုးရရုံးစိုက်ရာ အေဒင်မြို့နဲ့ အနီးပတ်ဝန်းကျင် ဒေသတွေမှာ ကာကွယ်ရေးအားကောင်းလာစေဖို့ ပြန်လည်နေရာချထားတာ ဖြစ်ပါတယ်။

ဒီလိုတပ်တွေ ပြန်လည်ရွှေ့ပြောင်းရတဲ့ အကြောင်းရင်းကတော့ ဟူသီသူပုန်တွေဟာ အိမ်နီးချင်း လာ့ဂျပ်ပြည်နယ်အတွင်းကို တိုးဝင်လာခဲ့တာကြောင့် ဖြစ်ပါတယ်။ အဲဒီလို တိုးဝင်လာတဲ့အတွက် ဟူသီတပ်ဖွဲ့တွေဟာ တောင်ပိုင်းဆိပ်ကမ်းမြို့ဖြစ်တဲ့ အေဒင်မြို့နဲ့ ပိုမိုနီးကပ်လာခဲ့ပါတယ်။

ဒီလို တပ်ဖွဲ့တွေကို ပြန်လည်နေရာချထားတာဟာ မြို့တော်ဖြစ်တဲ့ အေဒင်မြို့နဲ့ အိမ်နီးချင်း ပြည်နယ်တွေကို လုံခြုံရေးအရ ဦးစားပေးကာကွယ်ဖို့၊ ရှေ့တန်းစစ်မျက်နှာတွေကို ပိုမိုခိုင်မာ အားကောင်းလာစေဖို့နဲ့ လက်ရှိရင်ဆိုင်နေရတဲ့ ခြိမ်းခြောက်မှုတွေကို တုံ့ပြန်ဖြေရှင်းနိုင်ဖို့အတွက် ဖြစ်ပါတယ်လို့ တောင်ပိုင်းအဖွဲ့က ဆိုပါတယ်။

 

REF: RT

#Myanmar #News



No comments:

Post a Comment

Donate and Support

Donate and Support

မြန်မာနေရှင်နယ်ပို့စ် သတင်းအေဂျင်စီ သည် အမျိုးသားရေးကို ဦးထိပ်ထားသည့် သတင်းမီဒီယာဖြစ်ပါသည်။ တိုင်းရင်းသား ပြည်သူများ သတင်းမှန်များ သိရှိစေရေးကိုသာ ဦးစားပေး ဆောင်ရွက်လျက်ရှိပါသည်။ မြန်မာနေရှင်နယ်ပို့စ်သို့ အနှောင်အဖွဲ့ကင်းစွာ ကူညီပံ့ပိုးနိုင်ပါသည်။

KBZ Pay - 09793975969 (U Nauing Win Tun)

Wave Pay - 09692366274 (U Naing Win Tun)