လှည်းကူး၊ နိုဝင်ဘာ ၅
ရန်ကုန်တိုင်းဒေသကြီး မြောက်ပိုင်းခရိုင် လှည်းကူးမြို့နယ်တွင် အသက် ၁၂ နှစ်နှင့်အထက် ဆေးထိုးရန်ကျန်ရှိသည့် အခြေခံ ပညာ အလယ်တန်းနှင့် အထက်တန်းကျောင်းသား၊ ကျောင်းသူ များကို ယမန်နေ့က ကိုဗစ်-၁၉ ရောဂါကာကွယ်ဆေး ပထမ အကြိမ် စတင်ထိုး နှံပေးလျက်ရှိကြောင်း မြို့နယ် ပညာရေးမှူးရုံးမှ သိရသည်။
ဆေးထိုးရန်လာရောက်သည့် ကျောင်းသား၊ ကျောင်းသူများကို မိဘအုပ်ထိန်းသူ ခွင့်ပြုချက်ရယူခြင်း၊ စာရင်းရေးသွင်းခြင်း၊ အပူချိန် တိုင်းတာပေးခြင်း၊ သွေးပေါင်ချိန် တိုင်းတာပေးခြင်း၊ သွေးတွင်း အောက်ဆီဂျင် တိုင်းတာခြင်းများ ပြုလုပ်ပေးခြင်းနှင့် ကိုဗစ်-၁၉ရောဂါ ကာကွယ်ဆေး ထိုးနှံပေးပြီးနောက် မိနစ်(၃၀)ခန့် အနားယူစေခြင်းစသည့် ကျန်းမာရေး စောင့်ရှောက်မှု လုပ်ငန်းများကို စနစ်တကျ ဆောင်ရွက်ခဲ့ ကြောင်း သိရသည်။
အဆိုပါ ကာကွယ်ဆေးထိုးနှံပေးခြင်းကို အ-ထ-က(လှည်းကူး)၊ အ-ထ-က(မြို့မ)၊ အ-ထ-က (ဘိုးရင်ကလေး)နှင့် အ-လ-က(ဥယျာဉ်ဝ) စသည့် ဆေးထိုးစုရပ်များတွင် ဆောင်ရွက်ခဲ့ခြင်းဖြစ်ပြီး ဆေးလာရောက်ထိုးနံသည့်ကျောင်းသား၊ကျောင်းသူ ၉၉၃ ဦးရှိကြောင်း သိရှိရသည်။
သတင်း - ကျော်ကျော်
https://t.me/MyanmarNationalPost
www.mnpnewsagency.com
No comments:
Post a Comment