အထက်မင်းလှ၊ နိုဝင်ဘာ ၃
မကွေးတိုင်းဒေသကြီး၊ သရက်ခရိုင်၊ မင်းလှမြို့နယ်တွင်ပြည်သူများအား ကိုဗစ်-၁၉ရောဂါကာကွယ်ဆေး တတိယအသုတ်၊ပထမအကြိမ် ထိုးနှံပေးခြင်းကို ယနေ့ နံနက် ၉နာရီက မင်းလှမြို့နယ်အတွင်းရှိ သတ်မှတ် ထားသည့် ဆေးထိုးစုရပ်များ၌ဆက်လက် ထိုးနှံပေးလျက်ရှိသည်။
အဆိုပါ ကာကွယ်ဆေးထိုးနှံပေးရာ၌ ကျန်းမာရေးဝန်ကြီးဌာန၏ လမ်းညွှန်ချက်များနှင့်အညီ ကျန်းမာ ရေးဝန်ထမ်းများ ကဆေး ထိုးနှံပေးပြီး၊ရပ်ကွက်/ ကျေးရွာအုပ်ချုပ်ရေးမှူးများက ကူညီ ဆောင် ရွက်လျက်ရှိရာ ဆေးထိုး စုရပ်နေရာ များသို့ မြို့နယ်စီမံအုပ်ချုပ်ရေး အဖွဲ့ဥက္ကဋ္ဌနှင့် အဖွဲ့ဝင်များက ကွင်းဆင်း ကြည့်ရှုစစ် ဆေးပြီးလိုအပ်သည်များအားကူညီဆောင်ရွက်ပေး လျက်ရှိသည်။
မင်းလှမြို့နယ်တွင် ကိုဗစ်-၁၉ရောဂါကာကွယ်ဆေး တတိယအသုတ်၊ ပထမအကြိမ်ထိုးနှံပေးရာတွင် လူဦးရေ ၂၀၂၈၂ ဦးထိုးနှံပေးမည်ဖြစ်ပြီး ပထမအကြိမ်ကာကွယ်ဆေး ထိုးနှံပေးခြင်း ကို အောက်တိုဘာ ၉ ရက်နေ့က စတင် ထိုးနှံပေးခဲ့ရာ နိုဝင်ဘာ ၂ ရက်နေ့အထိဆေးထိုးစုရပ်များ၌ ကာကွယ်ဆေးလာရောက်ထိုးနှံသူ ၁၄၄၉၂ ဦးရှိပြီး ကာကွယ်ဆေးထိုးနှံရန် ကျန်ရှိသူများ အား ဆက်လက်ထိုးနှံပေးလျက်ရှိကြောင်းသိရသည်။
သတင်း - ဇာဇာ
https://t.me/MyanmarNationalPost
www.mnpnewsagency.com
No comments:
Post a Comment