မိုးမောက်၊ နိုဝင်ဘာ ၁၉
ကချင်ပြည်နယ်၊ ဗန်းမော်ခရိုင်၊ မိုးမောက်မြို့ အခြေခံပညာအထက်တန်းကျောင်း ပညာရတနာ ခန်းမ၌ အသက်(၁၂)နှစ်နှင့် အသက်(၁၈)နှစ် အောက် အခြေခံပညာကျောင်းသား ကျောင်းသူများအား ဒုတိယအသုတ် ပထမအကြိမ်အဖြစ် ကိုဗစ်−၁၉ ရောဂါကာကွယ်ဆေး (Sinovac)ကို ယနေ့ နံနက် ၉ နာရီခန့်က စတင်ထိုးနှံပေးလျက်ရှိကြောင်း သိရသည်။
အဆိုပါ ကာကွယ်ဆေးထိုးနှံရာတွင် အခြေခံပညာအထက်တန်းကျောင်းတွင် ကျောင်းသား၊ ကျောင်းသူ (၃၀၀)ဦးအား ဒုတိယအသုတ် ပထမအကြိမ်အဖြစ် ထိုးနှံပေးခဲ့ကြောင်းနှင့် ကိုဗစ်-၁၉ ရောဂါ ကာကွယ်ဆေးထိုးနှံရာတွင် အဆင်ပြေချောမွေ့မှုရှိစေရေးအတွက် မြို့နယ်စီမံ အုပ်ချုပ်ရေးအဖွဲ့ဥက္ကဋ္ဌ ဦးဝေလင်းထွန်းနှင့် အဖွဲ့ဝင်များ၊ အခြေခံပညာအထက်တန်းကျောင်းမှ ဆရာ၊ ဆရာမများ၊ ကျန်းမာရေးဝန်ထမ်းများနှင့် မြို့နယ်ကြက်ခြေနီအသင်းနှင့် တာဝန်ရှိသူများက ကျန်းမာရေးဝန်ကြီးဌာန၏ လမ်းညွှန်ချက်များနှင့်အညီ ကူညီဆောင်ရွက် ပေးလျက်ရှိကြောင်း သိရသည်။
https://t.me/MyanmarNationalPost
www.mnpnewsagency.com
No comments:
Post a Comment