တောင်ကုတ်၊ နိုဝင်ဘာ ၂၄
ရခိုင်ပြည်နယ် သံတွဲခရိုင် တောင်ကုတ်မြို့အခြေခံပညာကျောင်းများ၌ ကိုဗစ် -၁၉ ရောဂါ ကာကွယ်ထိန်းချုပ်နိုင်ရေးအတွက် ကိုဗစ်-၁၉ ရောဂါ ကာကွယ်ဆေး Sinovac အားအသက် ၁၂ နှစ်နှင့်အထက် ကျောင်းသားကျောင်သူများအား ယနေ့နံနက် ၈ နာရီမှ ညနေ ၄ နာရီ အချိန်ထိ ဂူတာရပ်ကွက် အထက(၂) မြို့မကျောင်းခန်းမ၌ ပထမအကြိမ်ထိုးနှံထားသော ကျောင်းသားကျောင်းသူများအား ဒုတိယအကြိမ်အဖြစ် ဆက်လက်ထိုးနှံပေးလျက်ရှိကြောင်း သိရသည်။
ထိုသို့ အခြေခံပညာကျောင်းများ ၌စတင်ထိုးနှံပေးလျက်ရှိသော ကိုဗစ်-၁၉ ကာကွယ်ဆေးမှာ တရုတ် ပြည်သူ့သမ္မတနိုင်ငံမှ ထုတ်လုပ်သော Sinovac အမျိုးအစားဆေးဖြစ်ပြီး ပထမအကြိမ် ဦးတည်အခြေခံပညာကျောင်း (၃၅)ကျောင်း ၌ စုရပ်ထားကာ ကိုဗစ်-၁၉ ရောဂါ ကာကွယ် ဆေးထိုးနှံနိုင်သူ (၁၂၁၅၂)ဦးအား ထိုးနှံပေးပြီးယနေ့ အထက(၂) ကျောင်းခန်းမ၌ အလယ် တန်းအဆင့်မှ အထက်တန်းအဆင့် ဦးတည်အုပ်စုများမှ ကျောင်းသားကျောင်းသူများအား ကိုဗစ် -၁၉ ကာကွယ်ဆေး ဒုတိယအကြိမ်အဖြစ် ထိုးနှံပေးလျက်ရှိကြောင်း သိရသည်။
သတင်း - စန်းဝင်း
https://t.me/MyanmarNationalPost
www.mnpnewsagency.com
No comments:
Post a Comment