ဒဂုံအရှေ့၊ ဒီဇင်ဘာ ၂၉
ရန်ကုန်အရှေ့ပိုင်းခရိုင်၊ ဒဂုံမြို့သစ်(အရှေ့ပိုင်း)မြို့နယ်၊ အမှတ်(၇)ရပ်ကွက်တွင် အသက် နှစ်လမှ တစ်နှစ်ခွဲအရွယ် ကလေးငယ်များအား ပုံမှန်ကာကွယ်ဆေး ထိုးနှံတိုက်ကျွေးခြင်း လုပ်ငန်းကို ဒေသန္တရကျန်းမာရေးဌာနတွင် ယမန်နေ့ နံနက် (၉) နာရီက ဆောင်ရွက်ခဲ့ကြောင်း သိရသည်။
ယင်းသို့ ပုံမှန်ကာကွယ်ဆေး ထိုးနှံတိုက်ကျွေးရာတွင် မြို့နယ်အတွင်းရှိ ကလေးမိခင်များအား ပြည်သူ့ကျန်းမာရေးဦးစီးဌာနမှ ကျန်းမာရေးဝန်ထမ်းများက ကာကွယ်ဆေး ထိုးနှံတိုက်ကျွေး ပေးရခြင်းနှင့် ပတ်သက်၍ ကာကွယ်နိုင်သည့် ရောဂါများအကြောင်းကို ကာကွယ်ဆေးထိုးနှံရန် လာရောက်သည့် မိခင်များအား အသိပညာပေးခဲ့ကြောင်း သိရသည်။
ကာကွယ်ဆေး ထိုးနှံတိုက်ကျွေးရာတွင် ရပ်ကွက်များအတွင်းရှိ ကလေးငယ်များအား ဝက်သက် ဂျိုက်သိုးရောဂါ ဂျပန်ဦးနှောက်ရောင် ရောဂါပုံမှန်ကာကွယ်ဆေး ထိုးဆေးတိုက်ခြင်း၊ ဘီစီဂျီ ကာကွယ်ဆေး၊ ငါးမျိုးစပ်ကာကွယ်ဆေး၊ ပြင်းထန်အဆုတ်ရောင် ကာကွယ်ဆေး၊ ပိုလီယို ကာကွယ်ဆေး၊ ပိုလီယိုအစက်ချ ကာကွယ်ဆေး၊ တီဘီရောဂါ၊ ဆုံဆို့နာရောဂါ၊ ကြက်ညှာ ချောင်းဆိုးရောဂါ၊ မေးခိုင်ရောဂါ၊ အသည်းရောင် အသားဝါ(ဘီ)ရောဂါ၊ ဦးနှောက်အမြှေးရောင်၊ အဆုတ်ရောင်ရောဂါ ကာကွယ်ဆေးတို့ကို ထိုးနှံတိုက်ကျွေးခြင်းဖြစ်ကြောင်း သိရသည်။
သတင်း - အေးမဉ္ဇူ
https://t.me/MyanmarNationalPost
www.mnpnewsagency.com
No comments:
Post a Comment