ကျောက်မဲ၊ ဒီဇင်ဘာ ၂၉
ရှမ်းပြည်နယ်(မြောက်ပိုင်း)၊ ကျောက်မဲမြို့နယ်အတွင်း ကိုဗစ်၁၉ ရောဂါကာကွယ်ဆေး လွမ်းခြုံမှု ၅၀ ရာခိုင်နှုန်း ပြည့်မီရေးအတွက် အသက် ၁၈ နှစ် အထက် ပြည်သူများအား သတ်မှတ်စုရပ်အသီးသီး၌ ကိုဗစ်-၁၉ ရောဂါ ကာကွယ်ဆေးများ အရှိန်အဟုန်မြှင့် ထိုးနှံပေးလျက်ရှိကြောင်း သိရသည်။
ယနေ့နံနက်ပိုင်းတွင် ကျောက်မဲမြို့ပေါ်ရှိ အသက် ၁၈ နှစ်အထက် ပြည်သူများအား ကိုဗစ်-၁၉ ရောဂါ ကာကွယ်ဆေး ပထမ အကြိမ်နှင့် ဒုတိယအကြိမ်တို့ကို မြို့ကျက်သရေဆောင်ခန်းမနှင့် ကွန်ဖြူးရှပ် ကျောင်းတို့၌ စုရပ် ၂ နေရာခွဲ၍ ထိုးနှံပေးလျက်ရှိသည်။
ထို့အပြင် ကျောက်မဲမြို့ မိုဘိုင်းဆေးထိုးအဖွဲ့က ကျောက်မဲမြို့နယ်၊ မန်ကျောင်း ကျေးရွာအုပ်စုသို့ ကွင်းဆင်း၍ မန်ကျောင်း၊ ကျူရှောနှင့် နောင်ပြစ်ကျေးရွာများရှိ ဒေသခံပြည်သူများအားကာကွယ်ဆေး ထိုးနှံပေးလျှက်ရှိကြောင်း သိရသည်။
ကျောက်မဲမြို့နယ်အနေဖြင့် ကိုဗစ်၁၉ ရောဂါ ကာကွယ်ဆေး ထိုးနှံရန် အကျုံးဝင်သည့် အသက် ၁၈ နှစ်အထက် ပြည်သူပေါင်း ၁၀၉၈၂၆ ဦးရှိပြီး ၎င်းတို့အနက် ယမန်နေ့အထိ ကိုဗစ်-၁၉ ရောဂါ ကာကွယ်ဆေး ထိုးနှံပြီးသူပေါင်း ၅၃၈၉၅ ဦးရှိကာ ကျောက်မဲမြို့နယ်အနေဖြင့် ကာကွယ်ဆေး ထိုးနှံပြီးစီးသည့် ရာခိုင်နှုန်း ၄၉ဒဿမ ၀၇ ရာခိုင်နှုန်း ရှိပြီဖြစ်ကြောင်း သိရသည်။
သတင်း - မိုင်းထွန်း
https://t.me/MyanmarNationalPost
www.mnpnewsagency.com
No comments:
Post a Comment