ရန်ကုန်၊ ဒီဇင်ဘာ ၇
တန်ဖိုးမြင့်စားသောက်ကုန် ထုတ်လုပ်မှုလေ့ကျင့်ရေးစီမံကိန်းမှ မြန်မာနိုင်ငံအတွက် အလုပ်အကိုင်အခွင့်အလမ်းထောက်ပံ့ခဲ့ကြောင်း မြန်မာနိုင်ငံဆိုင်ရာတရုတ်သံရုံးက သတင်းထုတ်ပြန်သည်။
အဆိုပါစီမံကိန်းကို ၂၀၁၈ ခုနှစ်တွင် လန်ချန်း-မဲခေါင်ပူးပေါင်းဆောင်ရွက်ရေး အထူးရန်ပုံငွေထောက်ပံ့မှုဖြင့် စတင်ဖော်ဆောင်ခဲ့ပြီး ၂ နှစ်တာကာလအတွင်း၌ လေ့ကျင့်မှု ၃၄ ကြိမ်နှင့် သင်တန်းသား သင်တန်းသူပေါင်း ၇၁၀ တက်ရောက်ခဲ့သည်။ ၎င်းတို့အနက် ၈၆% သည် နေပြည်တော်၊ ရန်ကုန်နှင့် မန္တလေးမှဖြစ်ပြီး ၇၀% သည် အမျိုးသမီးသင်တန်းသူများ ဖြစ်သည်။
သင်တန်းသား သင်တန်းသူများသည် ဒေသန္တရစိုက်ပျိုးသီးနှံများကို အခြေခံ၍ အာဟာရရှိသော၊ ဘေးကင်းသော၊ သန့်ရှင်းသော၊ အရည်အသွေးမြင့် တန်ဖိုးမြင့် (value added) ထုတ်ကုန်များ ထုတ်လုပ်သည့်စွမ်းရည်ကို လေ့ကျင့်ပေးနိုင်ခဲ့ကြောင်း၊ အဆိုပါစီမံကိန်းမှ မြန်မာနိုင်ငံပြည်သူများအတွက် အလုပ်အကိုင်အခွင့်အလမ်းများ ထောက်ပံ့ပေး၍ ဒေသခံလုပ်ငန်းများတိုးတက်မှုနှင့် မြန်မာနိုင်ငံ စိုက်ပျိုးရေးဖွံ့ဖြိုးတိုးတက်မှုအဆင့်အတန်းကို မြှင့်တင်ခဲ့ကြောင်း တရုတ်သံရုံးက ထုတ်ပြန်ထားသည်။
သတင်း - သီဟ
https://t.me/MyanmarNationalPost
www.mnpnewsagency.com
No comments:
Post a Comment