ကျိုက်ထိုမြို့နယ် ဆံတော်ရှင် ကျိုက်ထီးရိုး စေတီ ဈေးဆိုင်ခန်းများ မီးဘေးလုံခြုံရေး သရုပ်ပြဇာတ်တိုက်လေ့ကျင့်

ကျိုက်ထို၊ ဒီဇင်ဘာ ၅

ကျိုက်ထိုမြို့နယ် ဆံတော်ရှင် ကျိုက်ထီးရိုးစေတီတော်ရှိ ဈေးဆိုင်ခန်းများ  မီးဘေးအန္တရာယ် ကြိုတင်ကာကွယ်ရန်နှင့် မီးလောင်မှုဖြစ်ပွားပါက မီးလောင်မှုကြီးအဆင့်သို့မရောက်ရှိစေရေးအတွက်   ယနေ့ နံနက် ၉  နာရီက မွန်ပြည်နယ် သထုံခရိုင်၊ကျိုက်ထို မြို့နယ် ဆံတော်ရှင် ကျိုက်ထီးရိုးစေတီ ဈေးဆိုင်ခန်းများရှေ့ တွင်မီးငြိမ်းသတ်နည်းသရုပ်ပြ ဇာတ်တိုက်လေ့ကျင့်ခဲ့ ကြသည်။

ရှေးဦးစွာ ဈေးဆိုင်များတွင် မီးသတ်ဆေးဗူးများထားရှိရေး၊ ဆေးဗူးများကိုစနစ်တကျအသုံးပြုတတ်စေရေး၊ပေါက်ပြဲနေသောဝါယာကြိုးများအသုံးမပြုကြရန် စသည်ဖြင့်   မီးဘေးအန္တရာယ်ကြိုတင်ကာကွယ်ရေးလုပ်ငန်းများနှင့်ပတ်သက်၍  စနစ်တကျကြိုတင်ဆောင်ရွက်ထားရန်တို့ကိုပညာပေးဟောပြာပြီး   မီးသတ်ဆေးဗူးဖြင့်  မီးငြိမ်းသတ်နည်း၊  မီးလောင်မှုဖြစ်ပွားပါက အသင့်တပ်ဆင်ထားသော မီးသတ်အင်ဂျင်/ပန့်များဖြင့်  မီးငြိမ်းသတ်ပုံတို့ကို ကျိုက်ထီးရိုးရင်ပြင်မီးသတ်စခန်းမှ တပ်ဖွဲ့ဝင်များကသရုပ်ပြဆောင်ရွက်ခဲ့ကြသည်။

အဆိုပါ မီးငြိမ်းသတ်ရေးဇာတ်တိုက်လေ့ကျင့်ခြင်းအား ကျိုက်ထိုမြို့နယ်မီးသတ်ဦးစီးမှူး ဦးရဲညွန့် ထွေး နှင့် တပ်ဖွဲ့ဝင်များ၊ရင်ပြင်တော်မီးသတ်စခန်းတာဝန်ခံဦးအောင်ငြိမ်းနဲ့တပ်ဖွဲ့ဝင်များ၊ရင်ပြင်တော်နယ်မြေစခန်းတာဝန်ခံ ရဲအုပ်ထွန်းအေးနှင့်တပ်ဖွဲ့ဝင်များ၊ကျိုက်ထီးရိုးဘဏ္ဍာတော်ထိန်းဂေါပကအဖွဲ့မှ အဖွဲ့ဝင် ဦးဝင်းတင်နှင့်ဝန်ထမ်းများ၊ကျိုက်ထီးရိုးဈေးဆိုင်တန်းကော်မတီဝင်များ ပူးပေါင်းဆောင်ရွက်ခဲ့ကြကြောင်း သိရသည်။

သန်းသန်းမော်(ကျိုက်ထို)

https://t.me/MyanmarNationalPost

www.mnpnewsagency.com