နေပြည်တော်၊ ဒီဇင်ဘာ ၂၈
စစ်ကိုင်းတိုင်းဒေသကြီး၊ ကသာမြို့နယ်၊ မန်စီကျေးရွာအတွင်း KIA အဖွဲ့နှင့် NLD,CRPH,NUG, PDF သာသနာဖျက်၊ ပြည်ဖျက်မိစ္ဆာ အစွန်းရောက် အကြမ်းဖက်သမားများရောက်ရှိနေကြောင်း သိရှိရသဖြင့် လုံခြုံရေး တပ်ဖွဲ့ဝင်များက ဒီဇင်ဘာ ၂၂ ရက် နေ့လယ်ပိုင်းတွင် သွားရောက်၍ လိုအပ်သည့် နယ်မြေရှင်းလင်းမှုများဆောင်ရွက်ခဲ့ရာ ၎င်းအကြမ်းဖက်သမားများ ဆုတ်ခွာထွက်ပြေးသွားခဲ့ပြီး NLD,CRPH,NUG,PDF သာသနာဖျက်၊ ပြည်ဖျက်မိစ္ဆာ အစွန်းရောက် အကြမ်းဖက်သမားများက ပြည်သူများထံမှ အတင်းအဓမ္မကောက်ခံထားသည့် ဆန် ၂၂ အိတ်အား သိမ်းဆည်းရမိခဲ့သည်။
ထို့နောက် လုံခြုံရေးတပ်ဖွဲ့ဝင်များက ကျေးရွာအတွင်း လိုအပ်သည့်စစ်ဆေးမှုများ ဆက်လက်ဆောင်ရွက်ခဲ့ပြီး အကြမ်းဖက်မှုနှင့် ပါဝင်ပတ်သက်ခြင်းမရှိသော ကျေးရွာသူ၊ ကျေးရွာသားများအား သိမ်းဆည်းရမိသည့် ဆန် ၂၂ အိတ်ကို ဖြန့်ဝေပေးအပ်ခဲ့ကြောင်းနှင့် လုံခြုံရေးလုပ်ငန်းများ ဆက်လက်ဆောင် ရွက်လျက်ရှိကြောင်းထုတ်ပြန်ချက်အရသိရသည်။
https://t.me/MyanmarNationalPost
www.mnpnewsagency.com
No comments:
Post a Comment