ရန်ကုန်၊ ဒီဇင်ဘာ ၇
ရန်ကုန်တိုင်းဒေသကြီး၊ ကော့မှူးမြို့နယ်၊ ဝါးဘလောက်သောက်ကျေးရွာ ရဲကင်းစခန်း၌ လုံခြုံရေးဆောင်ရွက်နေစဉ် (ဒီဇင်ဘာ ၆ ရက်) ည ၈ နာရီအချိန်ခန့်တွင် NLD,PDF အစွန်းရောက် အကြမ်းဖက်သမားများမှ လက်ပစ်ဗုံးများ၊ လက်လုပ်မိုင်းများဖြင့် လာရောက်ပစ်ပေါက် တိုက်ခိုက်ခဲ့သဖြင့် ရဲကင်းစခန်းရှိ လုံခြုံရေးတပ်ဖွဲ့မှ ပြန်လည်ခြောက်လှန့် ပစ်ခတ်ခဲ့ရာ အကြမ်းဖက်သမား ၁ ဦး သေဆုံးပြီး လိုင်စင်မဲ့ဆိုင်ကယ်တစ်စီးကိုလည်း သိမ်းဆည်းရမိကြောင်း သိရသည်။
အလားတူ မန္တလေးတိုင်းဒေသကြီး၊ မိတ္ထီလာမြို့နယ်၊ ရန်ကုန်- မန္တလေးအမြန်လမ်းမကြီးရှိ ကံကောင်းရဲကင်းစခန်းကိုလည်း ယနေ့ (ဒီဇင်ဘာ ၇ ရက်) နံနက် ၃ နာရီခွဲအချိန်ခန့်တွင် အကြမ်းဖက်သမားများမှ လက်လုပ်မိုင်း၊ လက်ပစ်ဗုံးများဖြင့် လာရောက်ပစ်ပေါက် တိုက်ခိုက်ခဲ့သဖြင့် ရဲတပ်ဖွဲ့ဝင်အချို့ ကျဆုံး/ဒဏ်ရာရရှိမှုများ ရှိခဲ့ကြောင်း သိရသည်။
https://t.me/MyanmarNationalPost
www.mnpnewsagency.com
No comments:
Post a Comment