ဟိုပန်၊ ဒီဇင်ဘာ ၃၀
တရုတ်နိုင်ငံမှ "ဝ" ကိုယ်ပိုင်အုပ်ချုပ်ခွင့်ရတိုင်း၊ ဟိုပန်မြို့နယ်၌ ကိုဗစ်-၁၉ ရောဂါ ကာကွယ်ဆေး (Sinopharm) ကို ယနေ့ နံနက်ပိုင်းက ရုံးကုန်းရပ်ကွက်ရှိ မြို့တော်ခန်းမ နှင့် နောင်မိုကျေးရွာအုပ်စု၊ နောင်အွန်ခန်းမတို့၌ ပဉ္စမအသုတ်(ပထမအကြိမ်) အဖြစ် ဆေးထိုးရန် ကျန်ရှိသည့် အသက်(၁၈)နှစ်အထက် ဒေသခံပြည်သူများအား ပြည်သူ့ကျန်းမာရေး ဝန်ထမ်းများက စတင်၍ ဆက်လက်ထိုးနှံပေးလျက်ရှိကြောင်း သိရသည်။
ကာကွယ်ဆေးထိုးနှံရာတွင် ဟိုပန်မြို့နယ်၊ စီမံအုပ်ချုပ်ရေးအဖွဲ့ဥက္ကဋ္ဌ၊ ကိုဗစ်-၁၉ ရောဂါ ကာကွယ်ထိန်းချုပ်ကုသရေး လုပ်ငန်းကော်မတီဥက္ကဋ္ဌ ဦးရဲဝင်းထိုက်၏ စီစဉ်ကြီးကြပ်မှုဖြင့် ကော်မတီအဖွဲ့ဝင်များ၊ မီးသတ်တပ်ဖွဲ့ဝင်များ၊ လူမှုရေးပရဟိတ အဖွဲ့ဝင်များ၊ ကျေးရွာအုပ်ချုပ် ရေးမှူးနှင့် ရပ်ကျေးစာရေးများ ပါဝင်သည့် ပူးပေါင်းအဖွဲ့တို့က ဆေးလာရောက်ထိုးနှံသည့် ပြည်သူများကို ကျန်းမာရေးစစ်ဆေးမှုများပြုလုပ်ခြင်း၊ စာရင်းအချက်အလက်များ ကောက်ယူ ခြင်း၊ ကိုယ်ပူချိန်တိုင်းတာခြင်းများနှင့် ကာကွယ်ဆေး ထိုးနှံပြီးချိန်တွင် ခေတ္တအနားယူစေခြင်း စသည့် လိုအပ်သည့် ကျန်းမာရေး စောင့်ရှောက်မှုများကို ပူးပေါင်းကူညီဆောင်ရွက်ပေးခဲ့ကြ ကြောင်း သိရသည်။
ဟိုပန်မြို့နယ်တွင် ပဉ္စမအသုတ် (ပထမအကြိမ်) အဖြစ် တရုတ်နိုင်ငံမှ လှူဒါန်းထားသည့် ကိုဗစ်-၁၉ ရောဂါ ကာကွယ်ဆေး (Sinopharm)ကို အသက်(၁၈)နှစ်အထက် ဒေသခံပြည်သူ (၁၀၁၀)ဦးတို့အား ထိုးနှံပေးခဲ့ပြီးဖြစ်ကြောင်း ကိုဗစ်-၁၉ ရောဂါ ကာကွယ်ထိန်းချုပ်ကုသရေး လုပ်ငန်းကော်မတီထံမှ သိရှိရသည်။
သတင်း - ဇင်ဇင်
https://t.me/MyanmarNationalPost
www.mnpnewsagency.com
No comments:
Post a Comment