ဝါးခယ်မမြို့နယ်တွင် ကိုဗစ်-၁၉ ရောဂါကာကွယ်ဆေး မထိုးနှံရသေးသော ပြည်သူများအား ကာကွယ်ဆေးများ ဆက်လက်ထိုးနှံပေး

MNP - ဇန်နဝါရီ   ၁၁

ဧရာဝတီဝတိုင်း‌ဒေသကြီး၊ မြောင်းမြခရိုင်၊ ဝါးခယ်မမြို့နယ်အတွင်းရှိ အသက် (၁၈)နှစ်နှင့်အထက် ကိုဗစ်-၁၉ ရောဂါ ကာကွယ်ဆေး မထိုးနှံရသေးသော ပြည်သူများနှင့် (ဒုတိယအကြိမ်) ထိုးနှံရန် ကျန်ရှိသူများအား ကာကွယ်ဆေး ဆက်လက်ထိုးနှံပေးခြင်းကို ယနေ့ နံနက် ၈နာရီက‌ရွှေခယ်သီရိအားကစားခန်းမတွင် မြို့နယ်ကျန်းမာရေးဦးစီးဌာနမှ ဝန်ထမ်းများက ထိုးနှံပေးလျက်ရှိကြောင်း သိရသည်။

ကာကွယ်ဆေးထိုးနှံပေးရာတွင်အသက် (၁၈) နှစ်နှင့်အထက် ကာကွယ်ဆေး မထိုးနှံရ ပြည်သူ (၂၀၀)ဦးနှင့် (ဒုတိယအကြိမ်) ကာကွယ်ဆေးထိုးနှံရန်ကျန်ရှိသူပြည်သူ (၉၀)ဦး တို့အားကျန်းမာရေးဝန်ထမ်းများက ကိုဗစ်-၁၉   ရောဂါစည်းကမ်းချက်များနှင့်အညီကာကွယ်   ဆေးများစနစ်တကျထိုးနှံပေးခဲ့ကြောင်းသိရသည်။အဆိုပါကာကွယ်ဆေးထိုးနှံပေးခြင်းလုပ်ငန်း ကို ရပ်ကွက်အုပ်ချုပ်ရေးမှူးများ၊အသင်းအဖွဲ့များက လိုအပ်သည်များ ကူညီဆောင်ရွက် ပေးခဲ့ကြပြီး ဆေး‌ထိုးရန်ကျန် ရှိနေသော ပြည်သူများအား ဆက်လက်ထိုးနှံပေးသွားမည်ဖြစ်   ကြောင်းသိရသည်။

သတင်း - စောသန္တာဦး

https://t.me/MyanmarNationalPost

www.mnpnewsagency.com