MNP - ဇန်နဝါရီ ၂၇
ပဲခူးတိုင်းဒေသကြီး၊ ပဲခူးခရိုင်၊ ညောင်လေးပင်မြို့နယ်၌ ယမန်နေ့ ၁၃:၀၀နာရီ အချိန်တွင် ကျန်းမာရေး၀န်ထမ်းများက မကူးစက်တတ်သော ရောဂါများအား စစ်ဆေးဆောင်ရွက်ပေးခဲ့ကြောင်း သိရသည်။
ထိုသို့ စစ်ဆေးဆောင်ရွက်ပေးရာတွင် မကူးစက်တတ်သော ရောဂါအမျိုးအစားများဖြစ်သည့် သွေးတိုး၊ ဆီးချို၊ ကင်ဆာ၊ နှလုံးရောဂါ၊ ပန်းနာရင်ကျပ်စသည့် ရောဂါများအား စစ်ဆေးပေးခဲ့ပြီး အကယ်၍ ရောဂါတွေ့ရှိပါက ရောဂါများအတွက် ဆေး(၃)လစာအား ပေးသွားမည်ဖြစ်ကြောင်း သိရသည်။
မကူးစက်တတ်သော ရောဂါများအား စစ်ဆေးပေးခြင်းကို ကျန်းမာရေးဝန်ထမ်းများမှ ဦးဆောင်၍ ယနေ့တွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မီးသတ်ဦးစီးဌာနနှင့် စည်ပင်သာယာရှိ ဝန်ထမ်းများအား စစ်ဆေးပေးခဲ့ပြီး ဆက်လက်၍ ကျန်ရှိနေသော ဌာနဆိုင်ရာများအား ဆက်လက်စစ်ဆေး ပေးသွားမည်ဖြစ်ကြောင်း သိရသည်။
https://t.me/MyanmarNationalPost
www.mnpnewsagency.com
No comments:
Post a Comment