MNP - ဇန်နဝါရီ ၂၈
ရှမ်းပြည်နယ်(အရှေ့ပိုင်း) တာချီလိတ်မြို့၌ နယ်စပ်ဒေသနှင့်တိုင်းရင်းသား လူမျိုးများဖွံ့ဖြိုး တိုးတက်ရေးဦးစီးဌာနက ဝမ်လုံး Quarantine Center အတွက် ကိုဗစ် ၁၉ ရောဂါ ကာကွယ်ရေး အထောက်အကူပြုပစ္စည်းများကို ယနေ့ နံနက် ၉ နာရီက လှူဒါန်းခဲ့ကြောင်းသိရသည်။
နယ်စပ်ဒေသနှင့်တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာန၊ တာချီလိတ်ခရိုင် ဖွံ့ဖြိုးမှုကြီးကြပ်ရေးရုံး၊ ဒုတိယညွှန်ကြားရေးမှူး ဒေါ်ခင်သီတာခိုင်နှင့် ဝန်ထမ်းများက ဝမ်လုံး Quarantine Centre တွင် အသုံးပြုရန်အတွက် ရေသန့်(၂၀)ကတ်၊ Royal-D (၃)ကတ်၊ အသင့်စား ခေါက်ဆွဲဘူး(၃)ကတ်၊ Mask( ၅၀)ဘူး၊ ခေါင်းစွပ်(၁၀၀)ခု၊ လက်ဆေး Spray (၃)ကတ်၊ လက်ဆေး Hand Jel (၆)ဘူး၊ လက်အိတ်(၁)ဘူး၊ ကြက်ဥ(၁၆)ကတ်တို့ကို ပေးအပ်လှူဒါန်းရာ မြို့နယ် ကိုဗစ်-၁၉ ရောဂါကာကွယ်ထိန်းချုပ်ကုသရေး ကော်မတီဥက္ကဋ္ဌ၊ မြို့နယ်အုပ်ချုပ်ရေးမှူး ဦးတင်ဦးကျော်နှင့် ကိုဗစ် Centre တာဝန်ခံ၊ မေတ္တာရှင်လူမှုကူညီရေးအသင်းဥက္ကဋ္ဌ ဦးဘိုစံတို့က လက်ခံရယူခဲ့သည်။
အဆိုပါ ဝမ်လုံး Quarantine Center တွင် ဇန်နဝါရီ ၂၀ ရက်နေ့က ထိုင်းနိုင်ငံမှပြန်လည် ဝင်ရောက် လာသူ ၁၇၉ ဦး Quarantine ဝင်လျက်ရှိပြီးကြောင်းသိရသည်။
သတင်း - ယာဆေး
https://t.me/MyanmarNationalPost
www.mnpnewsagency.com
No comments:
Post a Comment