MNP - ဖေဖော်ဝါရီ ၁၄
မကွေးတိုင်းဒေသကြီး ဆည်မြောင်းနှင့် ရေအသုံး ချမှုစီမံခန့်ခွဲရေးဦးစီးဌာန (ရေအရင်းအမြစ်) တိုင်းဒေသကြီး ဦးစီးမှူး ဦးမြင့်ဦး၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသိန်းဇော်ဦးနှင့် တာဝန်ရှိသူများသည် ယမန်နေ့ မွန်းလွဲ ၂ နာရီအချိန်က ဆင်ပေါင်ဝဲမြို့နယ်၊ ကြာအင်း ကျေးရွာအုပ်စု၊ ကျောက်ချက်ကျေးရွာအုပ်စု၊ မွှန်းညောင်ပင်သာကျေးရွာအုပ်စုများသို့ ရောက်ရှိ၍ မြစ်ရေတင်စီမံကိန်း ဆောင်ရွက်ပေးနိုင်မှုရှိ/မရှိ မြေပြင်ကွင်းဆင်းကြည့်ရှုခဲ့သည်။
ထိုသို့ကွင်းဆင်းရာတွင် အဆိုပါ အဖွဲ့သည် ဦးစွာပထမ ဒေသခံပြည်သူများနှင့် တွေ့ဆုံ၍ မြေပြင်အခြေအနေအား မေးမြန်းခဲ့ကာ မြစ်ရေတင်စီမံကိန်းဆောင်ရွက်ရန် ဖြစ်နိုင်ခြေရှိသည့် နေရာများအား သွားရောက်ကြည့်ရှုခဲ့ပြီး လိုအပ်သည့် အချက်အလက်များအား မှတ်သားခဲ့၍ စီမံကိန်း အမြန်ဆုံးရရှိရေးအတွက် အထက်အဆင့်ဆင့်သို့ ဆက်လက်တင်ပြပေးသွားမည်ဖြစ်ကြောင်း တိုင်းဒေသကြီး ဆည်မြောင်းနှင့် ရေအသုံးချမှုစီမံခန့်ခွဲရေးဦးစီး ဌာန (ရေအရင်းအမြစ်) ထံမှ သိရှိရသည်။
သတင်း - နိုင်လင်း
မြန်မာနေရှင်နယ်ပို့စ်
No comments:
Post a Comment