MNP - ဖေဖော်ဝါရီ ၂၃
မွန်ပြည်နယ်၊ ချောင်းဆုံမြို့နယ်ကျေးလက်ဒေသ ဖွံ့ဖြိုးတို့တက်ရေး ဦးစီးဌာနမှ မြစိမ်းရောင် စီမံကိန်းကျေးရွာဖြစ်သည့် ခရိုက်နှီးဟု ကျေးရွာအုပ်စု၊ တော်ပကောက်ကျေးရွာရှိ ကျေးရွာရန်ပုံငွေကြီးကြပ်မှု ကော်မတီဝင်များထံ ဖေဖော်ဝါရီ ၂၁ ရက်နေ့ က အရင်းမပျောက် လည်ပတ်ရန်ပုံငွေ ကျပ်သိန်း (၃၀၆၀၀၀၀ဝိ/-) အား ထုတ်ချေးပေးခဲ့ကြောင်း သိရသည်။
အဆိုပါအရင်းမပျောက် လည်ပတ်ရန်ပုံငွေဖြင့် ကျေးရွာများတွင် အသေးစားလုပ်ငန်းများဖြစ်သည့် စိုက်ပျိုးရေး လုပ်ကိုင်မည့် ပြည်သူ(၆)ဦးအတွက် ငွေကျပ်(၁၉၅၀၀၀ဝိ/-)ကျပ်အား လည်းကောင်း၊ မွေးမြူရေးလုပ်ကိုင်ကြမည့် ပြည်သူ(၃၈)ဦးအတွက် ငွေကျပ်(၂၀၅၇၅၀၀ဝိ/-)ကျပ်အား လည်းကောင်း၊ ရေလုပ်ငန်းလုပ်ကိုင်ကြမည့် ပြည်သူ(၁၆)ဦး အတွက် ငွေကျပ်(၂၃၀၀၀၀ဝိ/-)ကျပ်အား လည်းကောင်း၊ အရောင်းအဝယ် လုပ်ကိုင်ကြည်မည့် ပြည်သူ(၁၇)ဦးအတွက် ငွေကျပ်(၅၀၇၅၀၀ဝိ/-)ကျပ်အား လည်းကောင်း၊ အသက်မွေးဝမ်းကျောင်းအတွက် ပြည်သူ(၄)ဦးအတွက် ငွေကျပ် (၇၀၀၀၀ဝိ/-)ကျပ်အား လည်းကောင်း၊ စုစုပေါင်း အဖွဲ့ဝင်ဦးရေ(၈၁)ဦးအတွက် အရင်းမပျောက် လည်ပတ်ရန်ပုံငွေကျပ် (၃၀၆၀၀၀ဝဝိ/-)ကျပ်ကို မြို့နယ်(ကျေး/လက်)ဦးစီးဌာနမှ ဦးစီးအရာရှိ ဒေါ်စန်းစန်းမော်နှင့် တာဝန်ရှိသူများက ရန်ပုံငွေကြီးကြပ်မှု ကော်မတီဝင်များထံ ထုတ်ချေးပေးခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment