MNP - ဖေဖော်ဝါရီ ၂၂
ရှမ်းပြည်နယ်တောင်ပိုင်း၊ မိုင်းကိုင်မြို့နယ်၌ အသက် ၁၂နှစ်နှင့်အထက် ကိုဗစ်-၁၉ရောဂါ ကာကွယ်ဆေး ဒုတိယအကြိမ် ထပ်မံထိုးနှံရမည့် ကျောင်းသားကျောင်းသူများကို ယမန်နေ့နေ့လည်က အခြေခံပညာအထက်တန်းကျောင်း ကာကွယ်ဆေးထိုး စုရပ်၌ မြို့နယ်ကျန်းမာရေးဦးစီးဌာနမှ တာဝန်ရှိသူများက ကွင်းဆင်း၍ ကာကွယ်ဆေးများ ဆက်လက်ထိုးနှံပေးခဲ့သည်။
အဆိုပါကာကွယ်ဆေးထိုးနှံမှုတွင် မြို့ပေါ်ရပ်ကွက်များရှိ အခြေခံပညာကျောင်း (၄)ကျောင်းမှ ကာကွယ်ဆေး ဒုတိယအကြိမ် ထပ်မံထိုးနှံရန် ကျန်ရှိနေသော ကျောင်းသားကျောင်းသူ ၉၄ ဦးကို Sinovac ကိုဗစ်-၁၉ ရောဂါကာကွယ်ဆေးများ ထိုးနှံပေးခဲ့ပြီး ကျေးရွာအုပ်စုများတွင် ရှိနေသည့် ကာကွယ်ဆေးထိုးရန် ကျန်ရှိသော ကျောင်းသားကျောင်းသူများကိုလည်း နယ်လှည့်ကွင်းဆင်း စနစ်ဖြင့် ဆက်လက်ထိုးနှံပေးသွား မည်ဖြစ်သည်။
မိုင်းကိုင်မြို့နယ်အတွင်း ကိုဗစ်-၁၉ ရောဂါ ကွယ်ဆေးထိုးနှံမှုတွင် ယနေ့အထိ အသက် ၁၈နှစ် အထက် ကာကွယ်ဆေးထိုးနှံရန် အကျုံးဝင်သူဦးရေ ၂၃၀၅၇ ဦးရှိသည့်အနက် ပထမအကြိမ် ထိုးနှံပြီးသူ ၁၈၈၇၅ ဦး၊ ဒုတိယအကြိမ် ထိုးနှံပြီးသူ ၁၅၂၄၃ ဦး နှင့် ထိုးနှံပြီးစီးမှု ရာခိုင်နှုန်း ၈၁.၈၆ %၊ အသက် ၁၂နှစ်အထက် ကျောင်းသားကျောင်းသူများအား ကာကွယ်ဆေးထိုးနှံရန် အကျုံးဝင်သူဦးရေ ၁၁၃၃ ဦး ရှိသည့်အနက် ပထမအကြိမ် ထိုးနှံပြီးသူ ၈၀၅ ဦး၊ ဒုတိယအကြိမ် ထိုးနှံပြီးသူ ၇၁၆ ဦး၊ ထိုးနှံပြီးစီးမှု ရာခိုင်နှုန်း ၈၁.၃၆ % ရှိကြောင်း၊ ကာကွယ်ဆေးထိုးနှံပြီး ခြောက်လပြည့်ပြီးသူများကို ထပ်ဆောင်းကာကွယ် ဆေးနှင့် ကာကွယ်ဆေးလုံးဝ ထိုးနှံရခြင်း မရှိသေးသူများကို ကာကွယ်ဆေးများ ထိုးနှံနိုင်ရေးအတွက် မြို့နယ်ပြည်သူဆေးရုံ ကာကွယ်ဆေး ထိုးစုရပ်၌ တာဝန်ရှိသူများက နေ့စဉ်ဆက်လက်ထိုးနှံပေးလျက်ရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment