MNP - ဖေဖော်ဝါရီ ၈
ပဲခူးတိုင်းဒေသကြီး၊ သာယာဝတီခရိုင်၊ မိုးညိမြို့နယ် ကိုဗစ်-၁၉ ထိန်းချုပ်ရေးနှင့် အရေးပေါ်တုံ့ပြန်ရေး လုပ်ငန်းကော်မတီဥက္ကဋ္ဌ၏ ကြီးကြပ်မှုဖြင့် ကိုဗစ်-၁၉ရောဂါ ကာကွယ်ဆေး(Covid shield) ထိုးနှံပြီးသူ ကာလ(၆)လနှင့်အထက်ရှိသူများ၊ ဌာနဆိုင်ရာ ဝန်ထမ်းများအား တတိယအကြိမ် ကိုဗစ်ကာကွယ်ဆေး ထပ်ဆောင်း (Booster Dose) အဖြစ် ရုရှားနိုင်ငံထုတ် Sputnik ဆေးထပ်မံထိုးနှံပေးခြင်းကို ယနေ့နံနက်၈နာရီက မိုးညိုပြည်သူ့ဆေးရုံတွင် စတင်ထိုးနှံပေးလျက်ရှိသည်။
အဆိုပါ ကိုဗစ်-၁၉ရောဂါ ကာကွယ်ဆေး (Booster Dose) ထိုးနှံပေးရာ ထိုမြို့နယ်ကို ဗစ်-၁၉ ထိန်းချုပ်ရေးနှင့် အရေးပေါ်တုံ့ပြန်ရေး လုပ်ငန်းကော်မတီဥက္ကဋ္ဌ ဦးမင်းသိဒ္ဓိနှင့် အဖွဲ့ဝင်များက ကာကွယ်ဆေးထိုးနှံသည်ကို လာရောက်ကြည့်ရှုအားပေးပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ခဲ့သည်။
ထိုကိုဗစ် ကာကွယ်ဆေးထိုးနှံခြင်းကို ဌာနဆိုင်ရာများ၊ ကျန်းမာရေးဝန်ထမ်းများနှင့် မြို့နယ် ကြက်ခြေနီတပ်ဖွဲ့ဝင်များက ကိုဗစ်ကာကွယ်ဆေးထိုးနှံပြီး ၆လကျော်သူများ ယူဆောင်လာသော ဆေးထိုးကတ်ပြားများအား စနစ်တကျ စာရင်းရေးသွင်းပြီး စည်းကမ်းတကျ ထိုးနှံနိုင်ရေး ဝိုင်းဝန်းကူညီ ဆောင်ရွက်ပေးလျက်ရှိသည်။
https://t.me/MyanmarNationalPost
www.mnpnewsagency.com
No comments:
Post a Comment