MNP ၊ ဖေဖော်ဝါရီ ၁၄
ရခိုင်ပြည်နယ် ရသေ့တောင်မြို့၌ အသက်(၁၈)နှစ်အထက် ပြည်သူများအား ကိုဗစ် -၁၉ ရောဂါ ကာကွယ်ဆေး Covishield အမျိုးအစား ဆဌမအသုတ် ဒုတိယအကြိမ်ထိုးနှံခြင်းကို သတ်မှတ်စုရပ် အသီးသီး၌ ယနေ့ နံနက် ၉ နာရီမှစ၍ စတင်ထိုးနှံပေးလျက်ရှိသည်။
ထိုသို့ ကိုဗစ် -၁၉ ရောဂါကာကွယ်ဆေးထိုးနှံပေးရာတွင် ဆေးထိုးသတ်မှတ်စုရပ်များဖြစ်သည့် မြို့မစုရပ်၊ စေတီပြင်၊ လက်ပံပင်ရင်း၊ နွားလားကျော်(လိုင်ဂွင်)၊ အာကာတောင်၊ အုတ်ဖိုကျေးရွာများတွင် အသက် (၁၈)နှစ်အထက်ရှိသည့် ပြည်သူများအား ကျန်းမာရေးဝန်ထမ်းများက ကိုဗစ် - ၁၉ စည်းကမ်းချက် များနှင့်အညီ ထိုးနှံပေးလျက်ရှိသည်။
အဆိုပါ ကိုဗစ် - ၁၉ရောဂါကာကွယ်ဆေးထိုးနှံရန် လာရောက်ကြသည့် ပြည်သူများအား ကျန်းမာရေး ဝန်ထမ်းများက ကာကွယ်ဆေးမထိုးမီ ကျန်းမာရေးစစ်ဆေးမှုများပြုလုပ်ပြီးမှ ကာကွယ်ဆေးထိုးနှံ ပေးကာ ဌာနဆိုင်ရာများ၊ မီးသတ်တပ်ဖွဲ့ဝင်များနှင့် စေတနာ့ဝန်ထမ်းများက လိုအပ်သည်များကို ဝိုင်းဝန်းကူညီဆောင်ရွက်ပေးလျက်ရှိကြောင်း သိရသည်။
သတင်း - အောင်စံထွန်း
မြန်မာနေရှင်နယ်ပို့စ်
No comments:
Post a Comment