MNP - မတ် ၁၁
ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ မိုင်းနောင်မြို့ အခြေခံပညာအထက်တန်းကျောင်းတွင် ယနေ့နံနက် (၉)နာရီ အချိန်က သန်ချဆေးနှင့်ဗီတာမင်(အေ)ဆေးတိုက်ကျွေးခြင်းများ ဆောင်ရွက်ခဲ့ကြောင်း သိရသည်။
မိုင်းနောင်မြို့ တိုက်နယ် မိခင်နှင့်ကလေးကျန်းမာရေးဌာနမှ တာဝန်ခံဆရာမ ဒေါ်နန်းမေထားနှင့် ဝန်ထမ်းများသည် အခြေခံပညာအထက်တန်းကျောင်းရှိ ဆရာ/ဆရာမများနှင့် ကျောင်းသားကျောင်းသူများအား ရောဂါကင်းဝေးရေးနှင့် ကျန်းမာရေးကြံ့ခိုင်စေရေးတို့အတွက် သန်ချဆေးများ တိုက်ကျွေး၍ မူလတန်းဆင့်ကလေးငယ်များအား မျက်စိနှင့် အာရုံကြောရောဂါများ ကာကွယ်စေရန် ဗီတာမင်(အေ)(နှစ်သိန်းအား)အနီရောင်ဆေးများ တိုက်ကျွေးခဲ့ကြောင်း သိရသည်။
ထိုသို့ဆောင်ရွက်ရာတွင် ဆရာ/ဆရာမ (၃၃)ဦး၊ ကျောင်းသား(၃၄၂)ဦး၊ ကျောင်းသူ (၃၆၁)ဦး၊ စုစုပေါင်း(၇၃၆)ဦးကို သန်ချဆေးနှင့်ဗီတာမင်(အေ)ဆေးများ တိုက်ကျွေးခဲ့ကြောင်းသိရသည်။
သတင်း - မနန်း
မြန်မာနေရှင်နယ်ပို့စ်
No comments:
Post a Comment