MNP - မတ် ၃
မကွေးတိုင်းဒေသကြီး၊ နတ်မောက်မြို့နယ်တွင် မြို့မစည်ပင်သာယာဈေးအသစ်ပြန်လည် တည်ဆောက်ပြီးစီးမှုအခြေအနေအား မကွေးတိုင်းဒေသကြီးအစိုရအဖွဲ့ စီးပွားရေးရာဝန်ကြီး ဦးအောင်ချိန်၊ မကွေးတိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးထင်အောင်၊ မြို့နယ်စီမံအုပ်ချုပ်ရေးအဖွဲ့ ဝင်များက ယမန်နေ့နေ့လယ်(၁၂) နာရီအချိန်ခန့်က ကွင်းဆင်းကြည့်ရှု စစ်ဆေးခဲ့သည်။
မြို့စည်ပင်သာယာဈေးကြီးသည် နိုဝင်ဘာ(၁၃) ရက်နေ့တွင် စတင်မီးလောင်ခဲ့ပြီး၊ ဒီဇင်ဘာ (၇) ရက်နေ့တွင် အသစ်ပြန်လည် တည်ဆောက်ခဲ့ပြီး ၂၀၂၁-၂၀၂၂ ဘဏ္ဍာရေးနှစ်(မီနီဘက်ဂျက်)တွင် တိုင်းဒေသကြီးအစိုးရ ထောက်ပံ့ငွေ သိန်း(၅၅၀၀)ကျပ်ဖြင့် တည်ဆောက်လျက်ရှိပြီး ယခုအချိန်တွင် ရာနှုန်းပြည့်ပြီးစီးပြီဖြစ်ကြောင်း သိရသည်။
အဆိုပါ မြို့မစည်ပင်သာယာဈေးကြီးတွင် ဈေးဆိုင်ခန်းသစ်ဆောက်လုပ်ခြင်း (၂၂) ရုံ၊ အသားငါး ဆိုင်ခန်း (၁)ရုံ၊ မြို့မဈေးအတွင်း တောင်/မြောက်လမ်းသွယ်(၁) မူလ (၁၂ ပေ)အကျယ်လမ်းအား (၂၄ပေ)အကျယ်ကွန်ကရစ် လမ်းသားချဲ့ခြင်း၊ မြို့မဈေးအတွင်း တောင်/မြောက် လမ်းသွယ်(၁) လမ်း အရှေ့ဘက်ခြမ်း အုတ်ရေမြောင်း ဆောက်လုပ်ခြင်းနှင့်ရေမြောင်းပြုလုပ်ခြင်းများ၊ ၈ ပေ ၆ ပေ ဆိုင်ခန်းပေါင်း (၄၇၈)ခန်း တည်ဆောက်ထားရှိမှုအခြေအနေအား လိုက်လံကြည့်ရှုစစ်ဆေးပြီး ယာယီဈေးတွင် ရောင်းချနေသော ဈေးသည် များအား မြို့မဈေးကြီးတွင် အမြန်ဆုံး ပြန်လည် ရောင်းချနိုင်ရေး လမ်းညွှန်မှာကြားခဲ့ကြောင်း သိရသည်။
သတင်း - သင်းသင်းမြတ်
မြန်မာနေရှင်နယ်ပို့စ်
No comments:
Post a Comment