MNP - မတ် ၁၂
ကယားပြည်နယ်၊ ဘောလခဲခရိုင်၊ ဘောလခဲမြို့နယ်အတွင်း ကိုဗစ်-၁၉ ရောဂါကာကွယ်ဆေး (လုံးဝ) မထိုးရသေးသူများနှင့် ကိုဗစ်-၁၉ ရောဂါဖြစ်ပွားပြီး (၆)လပြည့်ပြီးသူများ၊ Covishield ထိုးနှံပြီးသည့် (၆)လ အထက်ရှိ နိုင်ငံဝန်ထမ်းများ၊ မြန်မာနိုင်ငံ ရဲတပ်ဖွဲ့ဝင်များ၊ ပြည်သူ့ကျန်းမာရေး ဝန်ထမ်းများ၊ ပညာရေးဝန်ထမ်းများအား ကိုဗစ်-၁၉ရောဂါ ကြိုတင်ကာကွယ်နိုင်ရန်နှင့် ကိုဗစ်-၁၉ ရောဂါအန္တရာယ်ကင်းဝေးစေရေးအတွက် ယမန်နေ့နံနက်(၉)နာရီ အချိန်က မြို့နယ်ပြည်သူ့ဆေးရုံ အစည်းအဝေးခန်းမ၌ ကိုဗစ်-၁၉ ရောဂါကာကွယ်ဆေးနှင့် Booster Dose အပိုဆောင်း ကာကွယ်ဆေး ထိုးပေးခြင်းများကို စတင်ထိုးနှံပေးလျက်ရှိသည်။
အဆိုပါ ကိုဗစ်-၁၉ ရောဂါကာကွယ်ဆေး ထိုးနှံရာနေရာသို့ ခရိုင်ကိုဗစ်-၁၉ ရောဂါ ကာကွယ်ထိန်း ချုပ်ရေးနှင့် အရေးပေါ်တုံ့ပြန်ရေးကော်မတီဥက္ကဋ္ဌ ဦးအောင်မြင့်စိုးနှင့် ခရိုင်အဆင့် ကော်မတီဝင်များ
၏ အနီးကပ်ကြီးကြပ်မှုဖြင့် မြို့နယ်ကိုဗစ်-၁၉ ရောဂါကာကွယ်ထိန်းချုပ်ရေးနှင့် အရေးပေါ် တုံ့ပြန်ရေးကော်မတီဥက္ကဋ္ဌ ဦးတင်ထွဋ်အောင်နှင့် ကော်မတီဝင်များ၊ စေတနာ့ဝန်ထမ်း (Volunteer) အဖွဲ့ဝင်များ၏ ပူးပေါင်းကူညီမှုဖြင့် ကျန်းမာရေးဝန်ထမ်းများက ထိုးနှံပေးလျက်ရှိကြောင်းနှင့် အဆိုပါ ကာကွယ်ဆေးထိုးခြင်း (၁၁-၃-၂၀၂၂)ရက်နေ့မှ (၁၂-၃-၂၀၂၂)ရက်နေ့အထိ (၂)ရက်ကြာ ဆက်လက် ထိုးနှံပေးသွားမည်ဖြစ်ကြောင်း သတင်းရရှိသည်။
သတင်း - ဇင်မာထွန်း
မြန်မာနေရှင်နယ်ပို့စ်
No comments:
Post a Comment