MNP ၊ မတ် ၂၉
မွန်ပြည်နယ်၊ကျိုက်ထိုမြို့နယ် လူထုအခြေပြုဗဟိုဌာန(Community Centre)ခန်းမ၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ပညာရေးဌာနနှင့် အားကစားနှင့်ကာယပညာဦးစီးဌာနတို့ပူး ပေါင်း၍ နွေရာသီ ကျောင်းပိတ်ရက်တွင် လူငယ် ၊လူရွယ် များအား ဉာဏ်ရည်မြင့်မားရေး စစ်တုရင်ပြိုင်ပွဲကို မတ်(၂၉)ရက် နံနက်ပိုင်းက ကျင်းပပြုလုပ်ပေးခဲ့သည်။
ပြိုင်ပွဲတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှဦးစီးအရာရှိ ဒေါ်သန်းသန်းမော် က နွေရာသီကျောင်း ပိတ်ရက်ရှည် ကာလတွင် အချိန်ကို အကျိုးရှိစွာ အသုံးချစေလိုပြီး လူငယ်များဉာဏ်ရည်မြင့်မားရေးအတွက် ယခုကဲ့သို့ အားကစားပြိုင်ပွဲများကို ပြုလုပ်ပေးခြင်းဖြစ်ပြီး အကျင့်စာရိတ္တ ကောင်းမွန်ရေးအတွက် မိမိကိုယ်ကို စဉ်ဆက်မပြတ်လေ့ကျင့်ပျိုးထောင်ရမည်ဖြစ် ကြောင်း ပြောကြားခဲ့သည်။
အဆိုပါပြိုင်ပွဲတွင်မြို့နယ်အားကစားနှင့်ကာယပညာဦးစီးဌာနမှ ဝန်ထမ်းများကအကဲဖြတ်ဒိုင်အဖြစ်ပြုလုပ်ပေးပြီးဆုများကိုရွေးချယ်ပေးခဲ့ရာ ပထမ၊ဒုတိယနှင့်တတိယဆုများကိုမြို့နယ်ဦးစီးအရာရှိနှင့်တာဝန်ရှိသူများက ချီးမြှင့်ပေးခဲ့ကြောင်းသိရသည်။
သတင်း - ဝင်းမောင်(ကျိုက်ထို)
https://t.me/MyanmarNationalPost
No comments:
Post a Comment