MNP ၊ မတ် ၁၇
ရခိုင်ပြည်နယ် စစ်တွေခရိုင် ရသေ့တောင်မြို့နယ်တွင် အသက်(၁၈)နှစ်အထက်ကိုဗစ်ကာကွယ်ဆေးတစ်ကြိမ်မှ မထိုးနှံရသေးသည့်ပြည်သူများအားအဋ္ဌမအသုတ်(ပထမ)အကြိမ်ထိုးနှံပေးခြင်းတို့ကိုယနေ့နံနက်၉နာရီမှညနေ၄နာရီထိ မြို့နယ်ပြည်သူ့ဆေးရုံအစည်း အဝေးခန်းမတွင် ထိုးနှံပေးလျက်ရှိကြောင်းသိရသည်။
ထိုသို့ ထိုးနှံပေးရာတွင် မြို့နယ်ဆရာဝန်ကြီး ဒေါက်တာ တင်မြင့်ဦးကဦးဆောင်ပြီး ကျန်းမာရေး ဝန်ထမ်း များက ကာကွယ်ဆေး ထိုးနှံခြင်းမပြုမီ စာရင်းများ မှတ်ယူခြင်း ၊ လာရောက် ထိုးနှံသည့် သူများ အား ကိုယ် အပူ ချိန် တိုင်းတာပေးခြင်း၊သွေးပေါင်ချိန်တိုင်းတာ ပေးခြင်း၊ သွေးတွင်း အောက်ဆီဂျင် ပမာဏ တိုင်းတာခြင်း ၊ကျန်းမာ ရေး စစ်ဆေးခြင်းများကိုစနစ်တကျ ဆောင် ရွက် ပေးကာ ပုံမှန် ကျန်းမာရေးအခြေ အနေရှိသူများကိုသာကာကွယ်ဆေးထိုးနှံပေးပြီး ထိုးနှံပြီးသည့် သူများအားမိနစ်၃၀ ခန့် စောင့်ကြည့်ကာထိုးနှံပေးလျက်ရှိသည်။အဋ္ဌမအသုတ်(ပထမ)အကြိမ်ကာကွယ်ဆေးထိုးနှံသူစုစုပေါင်း၁၁၃ဦးရှိကြောင်း မြို့နယ်ကျန်းမာရေးဦးစီးဌာနမှသိရသည်။
ထွန်းလင်းကျော်
https://t.me/MyanmarNationalPost
No comments:
Post a Comment