MNP - မတ် ၂၉
ဧရာဝတီတိုင်းဒေသကြီး၊ ဖျာပုံခရိုင်၊ အမာမြို့၊ လူမှုဝန်ထမ်းဦးစီးဌာန၊ အမာမူလတန်းကြိုကျောင်း၌ ပဒေသာကပွဲနှင့် ၂၀၂၁-၂၀၂၂ ပညာသင်နှစ်အတွက် E.C.C.D Certificate ပေးအပ်ချီးမြှင့်ပွဲအခမ်းအနားကို ယနေ့နံနက် (၉)နာရီအချိန်က ကျင်းပပြုလုပ်ခဲ့ကြောင်း သိရသည်။
အခမ်းအနားကျင်းပရာတွင် ဦးစွာ ဖျာပုံခရိုင်၊ လူမှုဝန်ထမ်းဦးစီးဌာန၊ ဒုတိယညွှန်ကြားရေးမှူး ဦးအေးကျော်က အဖွင့်အမှာစကားပြောကြားခဲ့ပြီး အမာမူလတန်းကြိုကျောင်းမှ ကျောင်းသား/ ကျောင်းသူများအား ၂၀၂၁-၂၀၂၂ ပညာသင်နှစ်အတွက် E.C.C.D Certificate များ ပေးအပ်ချီမြှင့်ခြင်း၊ ကျောင်းသား/ ကျောင်းသူလေးများမှ ပဒေသာအကများဖြင့် ကပြဖျော်ဖြေခဲ့ကြကြောင်းသိရသည်။
အဆိုပါအခမ်းအနားသို့ ဖျာပုံခရိုင်၊ လူမှုဝန်ထမ်းဦးစီးဌာန၊ ဒုတိယညွှန်ကြားရေးမှူး ဦးအေးကျော်နှင့် မူကြိုကျောင်းအုပ်ဆရာမများ၊ အမာမြို့၊ မြို့အုပ်ချုပ်ရေးမှူး ဦးဇော်ဇော်ဦး၊ အမာမူလတန်းကြိုကျောင်းမှ ကျောင်းအုပ်ဆရာမကြီးနှင့် ဝန်ထမ်းများ၊ ကျောင်းသားမိဘများ တက်ရောက်ခဲ့ကြ ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment