MNP ၊ ဧပြီ ၁၇
ရခိုင်ပြည်နယ်၊ရမ်းဗြဲမြို့၌ မြန်မာနှစ်ဆန်းတစ်ရက်နေ့အခါသမယတွင် မြို့ပေါ်ရပ်ကွက်များမှ သက်ကြီးအဘိုးအဘွား (၃၀)ဦးအား ပူဇော်ကန်တော့ခြင်းမင်္ဂလာအခမ်းအနားကို ယနေ့ နံနက် ၉နာရီအချိန်က ရမ်းဗြဲမြို့၊အထွေထွေအုပ်ချုပ်ရေးဦးစီးဌာန၊ရမ္မာဝတီခန်းမတွင် ကျင်းပကြသည်။
အဆိုပါ ပူဇော်ပွဲအခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးခင်မောင်သန်းနှင့်အဖွဲ့ဝင်များ၊ ဌာနဆိုင်ရာများ၊ ရပ်ကွက်အုပ်ချုပ်ရေးမှူးများ၊ လူမှုရေးအသင်းအဖွဲ့များ ကတက်ရောက်ကန်တော့ခဲ့ကြသည်။
ရှေ့ဦးစွာ ပူဇော်ပွဲတက်ရောက်လာကြသူများမှ သက်ကြီးအဘိုးအဘွားများအား ပူဇော်ကန်တော့ခဲ့ကြပြီးနောက် အပူဇော်ခံအဘိုးအဘွားများမှ အဘိုးတစ်ဦးက ပူဇော်ကန်တော့ကြသူများကို ဆုတောင်းမေတ္တာပို့သပေးပြီး တက်ရောက်လာကြသူများက အဘိုးအဘွားများအတွက် လှူဒါန်းဖွယ်ဝတ္ထု ပစ္စည်းများဖြင့် ပူဇော်ကန်တော့ခဲ့ကြကြောင်း သိရသည်။
သတင်း - အောင်နိုင်
https://t.me/MyanmarNationalPost
No comments:
Post a Comment