MNP - ဧပြီ ၁၉
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တွင် ရပ်ကွက်၊ ကျေးရွာများအတွင်းရှိ အသက် ၁၈ နှစ်အထက် ပြည်သူများအား ကိုဗစ်-၁၉ရောဂါ ကာကွယ်ဆေးထိုးနှံခြင်းကို ယနေ့ နံနက် ၇ နာရီခွဲက မြို့နယ်ပြည်သူ့ဆေးရုံ၌ ထိုးနှံပေး လျက်ရှိကြောင်း သိရသည်။
ထိုသို့ ကာကွယ်ဆေးထိုးနှံပေးရာတွင် ဦးတည်အုပ်စုသတ်မှတ်ပြီး၊ အသုတ်လိုက်ခွဲ၍ မြို့နယ် ပြည်သူ့ဆေးရုံ၊ ရပ်ကွက်၊ ကျေးရွာရွာများအရောက် ကွင်းဆင်းထိုးနှံပေးကြောင်း၊ ယနေ့ Phase-9 ပထမအကြိမ်၊ Phase-8 ဒုတိယအကြိမ် ထိုးနှံရမည့်သူများအား ဆက်လက် ထိုးနှံပေး လျက်ရှိကြောင်း၊ ဆေးထိုးရန် လာရောက်ကြသူများအား မြို့နယ်ကျန်းမာရေး ဝန်ထမ်းများက ကျန်းမာရေး စစ်ဆေးပေးခြင်း ဆောင်ရွက်ကြကြောင်း သိရသည်။
အဆိုပါ ကာကွယ်ဆေးထိုးနှံခြင်းကို မြို့နယ်စီမံအုပ်ချုပ်ရေး အဖွဲ့ဥက္ကဋ္ဌနှင့် တာဝန်ရှိသူတို့က ကြီးကြပ်ပြီး မြို့နယ်အထွေထွေ အုပ်ချုပ်ရေး ဦးစီးဌာန၊ မြို့နယ်ကျန်းမာရေး ဦးစီးဌာန၊ စေတနာ့ ဝန်ထမ်းများ ပူးပေါင်းဆောင်ရွက်ကြကြောင်း သိရသည်။
သတင်း - မျိုးဝင်းညို
မြန်မာနေရှင်နယ်ပို့စ်
No comments:
Post a Comment