MNP - ဧပြီ ၇
ကချင်ပြည်နယ်၊ မိုးညှင်းခရိုင်၊ မိုးကောင်းမြို့၌ မိခင်နှင့်ကလေးကျန်းမာရေးဌာနက မွေးစမှ ၂ နှစ်အောက်ကလေးငယ်များအား ကာကွယ်ဆေးထိုးနှံပေးခြင်းကို ဧပြီ ၇ ရက်နံနက်(၉)နာရီတွင် အဆိုပါဌာန၌ ဆေးထိုး၊ ဆေးတိုက်ဆောင်ရွက်ပေးလျက်ရှိကြောင်း သိရသည်။
ဘီစီဂျီ၊ အသည်းရောင်အသားဝါ(ဘီ)၊ ပိုလီယို၊ ပြင်းထန်အဆုတ်ရောင်(ပီစီဗီ)၊ ပြင်းထန် ဝမ်းပျက်ဝမ်းလျှော(ရိုတာ)၊ ဆုံဆို-ကြက်ညာ-မေးခိုင်-အသည်းရောင်အသားဝါ(ဘီ)-ဦးနောက် အမြှေးရောင်(ငါးမျိုးစပ်ကာကွယ်ဆေး)၊ ဝက်သက်၊ ဂျိုက်သိုး၊ ဂျပန်ဦးနောက်ရောင် ကာကွယ်ဆေး တို့ကို မွေးစမှ ၂လ၊ ၄ လ၊ ၆ လ၊ ၉ လနှင့် တစ်နှစ်ခွဲ ကလေးငယ်များအား အသက်အရွယ်အလိုက် ပထမ၊ ဒုတိယ၊ တတိယနှင့် စတုတ္ထအကြိမ် ကာကွယ်ဆေးထိုး/တိုက်ကျွေးခြင်းများ ဆောင်ရွက်ခြင်း ဖြစ်ကြောင်း သိရသည်။
အဆိုပါဆောင်ရွက်ခြင်းကို ဧပြီလ(၆)ရက်မှ(၈)ရက်ထိ နံနက်(၉)နာရီမှ(၁၂)နာရီထိ တစ်ကြိမ်၊ နေ့လယ်(၁)နာရီမှ(၃)နာရီထိတစ်ကြိမ် ရပ်ကွက်အလိုက်ဆေးထိုးဆောင်ရွက်လျက် ရှိကြောင်း သိရသည်။
သတင်း - သန်းလွင်ဦး
မြန်မာနေရှင်နယ်ပို့စ်
No comments:
Post a Comment