MNP - ဧပြီ ၂၈
မန္တလေးတိုင်းဒေသကြီး၊ မိတ္ထီလာမြို့နယ်တွင် ယမန်
နေ့မွန်းလွဲ ၂ နာရီ ၃၀ မိနစ်အချိန်က လေပြင်း တိုက်ခိုက်မှုကြောင့် မြို့မရပ်ကွက်အတွင်းရှိ မန်ကျည်းပင်ပြိုလဲ၍ ဓာတ်တိုင်နှင့် ဖုန်းတိုင်များပေါ်သို့ လဲကျပြီး လမ်းပိတ်ဆို့မှုဖြစ်ပေါ်၍ မီးသတ်တပ်ဖွဲ့ဝင်များက ရှင်းလင်းခဲ့ကြောင်း သိရသည်။
မိတ္ထီလာမြို့နယ်အတွင်း လေပြင်းတိုက်ခတ်မှုကြောင့် မြို့မရပ်ကွက်အတွင်းရှိ လုံးပတ် ၈ ပေ၊ အမြင့် ပေ ၄၀ ခန့်ရှိ မန်ကျည်းပင်ပြိုလဲ၍ ဓါတ်တိုင်တစ်တိုင်နှင့် ဖုန်းတိုင်နှစ်တိုင်ပေါ်သို့ လဲကျပြီး လမ်းပိတ်ဆို့မှုဖြစ်ပေါ်ခဲ့သည်။ အဆိုပါ သစ်ပင်လဲကျရာနေရာသို့ ခရိုင်မီးသတ်ဦးစီးဌာနမှ လက်ထောက်ညွှန်ကြားရေးမှူး ဦးကျော်ဆန်း ဦးဆောင်၍ မီးသတ်တပ်ဖွဲ့ဝင်များက အချိန်မီ သွားရောက် ဖယ်ရှားရှင်းလင်းခဲ့ကြောင်း ခရိုင်မီးသတ်ဦးစီးဌာနမှ သိရသည်။
သတင်း - သိန်းမြင့်ကျော်
မြန်မာနေရှင်နယ်ပို့စ်
No comments:
Post a Comment