MNP - ဧပြီ ၉
ဧရာဝတီတိုင်းဒေသကြီး၊ ပုသိမ်ခရိုင်၊ သာပေါင်းမြို့နယ်၊ မိခင်နှင့်ကလေးကျန်းမာရေးဌာန၊ ဘုရား ကုန်းကျေးရွာအုပ်စု၊ ဒါးကညောင်ကုန်းကျေးရွာအုပ်စု၊ ဇီးဖြူကွင်းကျေးရွာအုပ်စု၊ မကျီးကုန်းကျေးရွာ အုပ်စု၊ ဆိပ်သာကျေးရွာ၊ ခေနန်ကျေးရွာအုပ်စု၊ ဆောင်ဘုံကျေးရွာတို့တွင် ကိုယ်ဝန်ဆောင်၊ နို့တိုက်မိခင်မှလွဲ၍ ဆေးထိုးရန်ကျန်ရှိအသက်(၁၈)နှစ်အထက် ကျေးလက်နေပြည်သူများအား ကိုဗစ်-၁၉ ကာကွယ် ဆေးထိုးနှံနိုင်ရေးအတွက် ကျေးရွာများအရောက် မြို့နယ်စီမံအုပ်ချုပ်ရေးအဖွဲ့၏ ဦးဆောင်လမ်းညွှန်မှုဖြင့် ဌာနဆိုင်ရာအကြီးအကဲများ၊လူမှုရေး အသင်းအဖွဲ့များ ပါဝင်သောကြီးကြပ်ရေးအဖွဲ့များ မှ ကျေးရွာများအရောက် ဆေးထိုးစုရပ်ပြု၍ နေ့စဉ်ဆေးထိုးနှံပေးလျက်ရှိရာ ယမန်နေ့ နံနက် ၉ နာရီအချိန်ကစတင်ကာ ထိုးနှံပေးလျက်ရှိသည်။
ထိုသို့ဆောင်ရွက်ရာတွင် သာပေါင်းမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးမင်းဧရာထိုက်နှင့် အဖွဲ့ဝင်များ၊ တာဝန်ကျဌာနဆိုင်ရာများမှ ကျေးရွာများအရောက် လှည်လည်ကြည့်ရှုအားပေးပူးပေါင်းဆောင်ရွက်မှုများ လုပ်ဆောင်ပေးကြရာ မိခင်နှင့်ကလေးကျန်းမာရေးဌာနတွင် (၁၁)ဦး၊ ဘုရားကုန်းကျေးရွာ အုပ်စုတွင် (၃၃)ဦး၊ ဒါးကညောင်ကုန်းကျေးရွာအုပ်စု(၃၃)ဦး၊ ဇီးဖြူကွင်းကျေးရွာအုပ်စု(၂၂)ဦး၊ မကျီး ကုန်းကျေးရွာအုပ်စု(၁၄၃)ဦး၊ ဆိပ်သာကျေးရွာတွင်(၆၆)ဦး၊ ခေနန်ကျေးရွာအုပ်စုတွင်(၅၅)ဦး၊ ဆောင်ဘုံကျေးရွာတွင်(၁၁)ဦးတို့ကို ဆေးထိုးစုရပ်ပြုလုပ်၍ အကြောင်းအမျိုးမျိုးကြောင့် တစ်ကြိမ်တစ်ခါမျှ ကိုဗစ်-၁၉ ကာကွယ်ဆေးမထိုးနှံရသေးသည့် စုစုပေါင်းပြည်သူ(၃၇၄)ဦးတို့ကို ကာကွယ်ဆေး ထိုးနှံပေးနိုင်ခဲ့ကြကြောင်း သိရသည်။
သတင်း - မျိုးဇော်သိန်း
မြန်မာနေရှင်နယ်ပို့စ်
No comments:
Post a Comment