MNP - ဧပြီ ၂
မကွေးတိုင်းဒေသကြီး၊ ဆင်ပေါင်ဝဲမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre တွင် ယနေ့နံနက် ၉ နာရီအချိန်က ပန်းချီသင်တန်းဖွင့်ပွဲ အခမ်းအနား ကျင်းပပြုလုပ်ခဲ့သည်။
အခမ်းအနားတွင် ဒုတိယမြို့နယ်အုပ်ချုပ်ရေးမှူး ဦးဝင်းရွှေက အမှာစကားပြောကြားပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဦးနိုင်လင်းက သင်တန်းဖွင့်လှစ် ရသည့် ရည်ရွယ်ချက်အား ရှင်းလင်းပြောကြားသည်။
ထို့နောက် ပန်းချီသင်တန်းနည်းပြ ဦးထွန်းဝေမှ သင်ကြားပို့ချမည့် ဘာသာရပ်များနှင့် ပတ်သက် ၍ ရှင်းလင်းပြောကြားခဲ့ပြီး မြို့နယ်ကုသရေးဦးစီးဌာနမှူးဒ ေါက်တာမွန်စိုးရီမှ သင်တန်းသား များနှင့် နည်းပြဆရာအတွက် အာဟာရဒါနအလှူငွေ ၃၀၀၀၀/-ကျပ်လှူဒါန်းခဲ့ သည်။
အဆိုပါ သင်တန်းသို့ အလယ်တန်း အထက်တန်းမှ ကျောင်းသား ကျောင်းသူ (၃၀) ဦး တက်ရောက်ခဲ့ပြီး သင်တန်းအား ၂၀၂၂ ခုနှစ်၊ ဧပြီလ (၂) ရက်နေ့မှ (၈) ရက်နေ့အထိ (၇) ရက် သင်ကြားပို့ချသွားမည်ဖြစ်ကြောင်း သိရှိရသည်။
သတင်း - နိုင်လင်း
မြန်မာနေရှင်နယ်ပို့စ်
No comments:
Post a Comment