MNP - ဧပြီ ၁၇
၁၃၈၄ ခုနှစ်၊ နှစ်ဆန်း ၁ ရက်နေ့ မြို့နယ်လုံးဆိုင်ရာ သက်ကြီးပူဇော်ပွဲ အခမ်းအနားကို ယနေ့ နံနက် ၈ နာရီက ပဲခူးတိုင်းဒေသကြီး၊ ပဲခူးခရိုင်၊ ဒိုက်ဦးမြို့လည်ရှိ သာသနာ့ဗိမ္ဗာန်တော်ကြီး၌ ကျင်းပသည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဝင်းမြင့်က သက်ကြီးပူဇော်ပွဲ ကျင်းပရခြင်းအား ရှင်းလင်းတင်ပြပြီးနောက် မြို့နယ်စီမံအုပ်ခပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ မြို့နယ်အမျိုးသမီး ရေးရာအဖွဲ့ဥက္ကဋ္ဌ ဒေါ်နန်းအိမျိုးနှင့် အဖွဲ့ဝင်များက အပူဇော်ခံ အဖိုး/အဖွားများအား လက်အုပ်ချီမိုး ကန်တော့၍ ဝတ္တုငွေများ လှူဒါန်းကြသည်။
ထို့နောက် အပူဇော်ခံ အဖိုး/အဖွားများကိုယ်စား အဖိုး ဦးတွတ်မှ ဆုမွန်ကောင်းတောင်းမေတ္တာပို့သပြီး အခမ် းအနား ရုပ်သိမ်းခဲ့သည်။ အဆိုပါ အခမ်းအနားတွင် သက်ကြီးဘိုးဘွား ၄၅ ဦးအတွက် မြို့နယ်စီမံ အုပ်ချုပ်ရေးအဖွဲ့မှ တစ်ဦးလျှင် ၂၀၀၀၀ ကျပ်၊ အထူးကုဆရာကြီးမှ အားဆေးနှင့် အသဲဆေးများ၊ မြို့နယ်မိခင်နှင့် ကလေးစောင့်ရှောက်ရေးမှ တစ်ဦးလျှင် ၁၀၀၀ ကျပ်နှုန်း၊ တိုင်းရင်းဆေးမှ အစာကြေဆေးများ၊ ကောင်းပြည့်ပွဲရုံနှင့် ဦးရန်နောင်စိုး+ဒေါ်လဲ့တို့မှ ကိုယ်တိုက်ဆပ်ပြာများ ပေးအပ်လှူဒါန်းခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment