MNP - ဧပြီ ၄
ရခိုင်ပြည်နယ်၊ ပုဏ္ဏားကျွန်းမြို့နယ်အတွင်းရှိ တက္ကသိုလ်ဝင်စာမေးပွဲကို စာစစ်ဌာန (၉)ခုတွင် ယနေ့နံနက် ၉ နာရီက ဓာတုဗေဒဘာသာရပ်ကို ကျောင်းသား/ကျောင်းသူ (၂၇၀၂) ဦး ဝင်ရောက်ဖြေဆိုခဲ့သည်။
ပုဏ္ဏားကျွန်းမြို့နယ်အတွင်းရှိ ၂၀၂၂ ခုနှစ်၊ တက္ကသိုလ်ဝင်စာမေးပွဲ၊ ဓာတုဗေဒဘာသာရပ်အား ဝင်ရောက်ဖြေဆိုခွင့်စာရင်းရှိသည့် ကျောင်းသား/သူ(၂၇၀၂) ဦးရှိသည့်အနက် ၂၃၆၃ ဦး ဝင်ရောက်ဖြေဆိုခဲ့သည်။
ဖြေဆိုပျက်ကွက်သူ ၃၃၉ ဦး၊ ဖြေဆိုရာခိုင်နှုန်း(၈၇.၄၅)၊ ပျက်ကွက်ရာခိုင်နှုန်း (၁၂.၅၅) ရှိကြောင်း မြို့နယ်ပညာရေးမှူးရုံးက သိရသည်။ တက္ကသိုလ်ဝင်စာမေးပွဲကို ကျောင်းသား/သူ များ အေးချမ်းစွာဖြေဆိုနိုင်ရေးအတွက် မြို့နယ်စီမံအုပ်ချုပ်ရေးအဖွဲ့၏ ကြီးကြပ်ဆောင်ရွက်မှု ဖြင့် မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် ဌာန ဆိုင်ရာများ ပူးပေါင်းဆောင်ရွက် ပေးလျက်ရှိပြီး၊ ကျန်းမာရေးဝန်ထမ်းများက ကိုဗစ် - ၁၉ ရောဂါ ကာကွယ်ရေး စည်းကမ်းချက်များနှင့်အညီ ကျန်းမာရေး စောင့်ရှောက်ပေးလျက်ရှိကြောင်း သိရသည်။
သတင်း - နီထွန်းအောင်
မြန်မာနေရှင်နယ်ပို့စ်
No comments:
Post a Comment