MNP - ဧပြီ ၉
ပြန်ကြားရေးဝန်ကြီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ပြည်ခရိုင်၊ ရွှေတောင်မြို့နယ်ရုံး လူထုအခြေပြုဗဟိုဌာန Community Centreခန်းမ ၌ ယမန်နေ့ မွန်းလွဲ ၂ နာရီက " နိုင်ငံ့ဝန်ထမ်းကျင့်ဝတ်ဆိုင်ရာ စံတန်ဖိုးများ" စာအုပ်ဖြင့် ဝန်ထမ်းများ စုပေါင်းစာဖတ်ဝိုင်းကျင်းပခဲ့သည်။
အဆိုပါ စာဖတ်ဝိုင်းတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်ငြိမ်းငြိမ်းသန့်က ဝန်ထမ်းများအားလုံး နိုင်ငံ့ဝန်ထမ်းများသည်သက်ဆိုင်ရာ ဝန်ထမ်းအဖွဲ့အစည်း၊ဝန်ထမ်းအမျိုးအစား အလိုက်လုပ်ငန်းသဘာဝအလျောက် သတ်မှတ်ထားသည့် ကျင့်ဝတ်နှင့်စည်းကမ်းများကို လိုက်နာရမည့်အပြင် နိုင်ငံ့ဝန်ထမ်းကျင့်ဝတ်ဆိုင်ရာ စံတန်ဖိုးသတ်မှတ်ချက်ကိုလည်း စောင့်ထိန်းလိုက်နာစေရန် ရည်ရွယ်၍ စာဖတ်ဝိုင်းပြုလုပ်ခြင်းဖြစ်ကြောင်း ပြောကြားသည်။
ထို့နောက် ဓာတ်ပုံ -၂ ဦးကိုကိုမင်းက အခန်း(၁) နိုင်ငံ့ဝန်ထမ်းကျင့်ဝတ်ဆိုင်ရာ စံတန်ဖိုးသတ်မှတ်ရခြင်း၏ ရည်ရွယ်ချက်များ ၊အခန်း(၄) လုပ်ငန်းတာဝန်များကို ဇွဲ့၊လုံ့လ၊ ဝီရိယဖြင့် တိကျမှန်ကန်မြန်ဆန်ထိရောက်စွာ ဆောင်ရွက်ခြင်းနှင့် ရုပ်သံ-၃ ဒေါ်အေးအေးခိုင်က အခန်း (၈)ဝန်ထမ်းများအားလုံးပါဝင်၍ ပူးပေါင်းညှိနှိုင်းဆောင်ရွက် မှုနှင့်ပတ်သက်၍ ဖတ်ကြားဆွေးနွေးခဲ့ကြပြီး ဝန်ထမ်းများက သိရှိလိုသည့်အချက်များကို ပြန်လည်မေးမြန်းဆွေးနွေးခဲ့ကြကာ မြို့နယ်ဦးစီးမှူးက ဖြည့်စွက်ဆွေးနွေးခဲ့သည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ရွှေတောင်မြို့နယ်ရုံးဝန်ထမ်းများအား လုပ်ငန်းစွမ်းဆောင်ရည်တိုးတက်မြင့်မားလာစေရန် ရည်ရွယ်၍ ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေ၊သတင်းမီဒီယာဥပဒေစာအုပ်များကို လစဉ် တစ်လလျှင်(၂)ကြိမ် စာဖတ်ဝိုင်းများကျင်းပဆောင်ရွက်လျက်ရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment