MNP - ဧပြီ ၄
ပြည်ထောင်စုနယ်မြေ၊ နေပြည်တော် ဥတ္တရခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်ပြည်သူ့စာကြည့် တိုက်တွင် ယနေ့နံနက်(၁၁)နာရီက ကြက်ခြေနီအသင်းအကြောင်း သိကောင်းစရာ အသိပညာပေး Talk Show ဆောင်ရွက်ခဲ့သည်။
အဆိုပါ Talk Showတွင် ဥတ္တရခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြားရေးမှူး ဒေါ်မေစုလှိုင်ဦးနှင့် ပြည်ထောင်စုနယ်မြေ၊ နေပြည်တော် ဥတ္တရခရိုင် ကြက်ခြေနီကြီးကြပ်မှုကော်မတီဥက္ကဋ္ဌ ဒေါ်ယမင်းအေးတို့က မြန်မာနိုင်ငံ ကြက်ခြေနီအသင်း၏ ရည်ရွယ်ချက်နှင့် လုပ်ငန်းစဉ်များအကြောင်း၊ ကြက်ခြေနီ အသင်း၏ အခြေခံမူ(၇)ချက်အကြောင်း၊ ဥတ္တရခရိုင်ကြက်ခြေနီ ကြီးကြပ်မှုကော်မတီ၏ လုပ်ငန်း ဆောင်ရွက်ချက်များ စသည့်အကြောင်းအရာများကို ဆွေးနွေးခဲ့ကြသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဥတ္တရခရိုင်ရုံးအနေဖြင့် အသိပညာပေး Talk Show များ၊ ဟောပြောပွဲများ၊ ပုံပြင်ပြောခြင်းအစီအစဉ်များ စသည့် အသိပညာပေးလုပ်ငန်း များကို Onlineမှတဆင့် ရိုက်ကူးတင်ဆက်ပေးလျက်ရှိရာ ကြက်ခြေနီအသင်းအကြောင်း သိကောင်းစရာ အသိပညာပေး Talk Show အစီအစဉ်ကို ဥတ္တရခရိုင်ပြည်သူ့စာကြည့်တိုက် Facebook Page တွင် တင်ဆက်ပေးသွားမည် ဖြစ်ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment